ارمەنيادا كەزەكتەن تىس پارلامەنتتىك سايلاۋ ءوتتى. ناتيجەسىندە بۇرىنعى ۇكىمەت باسشىسى، قازىر پرەمەر-مينيستر مىندەتىن اتقارۋشى نيكول پاشينيان باسقاراتىن «ازاماتتىق كەلىسىم» پارتياسى جەڭىسكە جەتكەنىن حابارلادى. بىراق مۇنىمەن وپپوزيتسيا كەلىسپەيدى.
ازىرگە 2 مىڭ ۋچاسكىنىڭ 114-ءىنىڭ بيۋللەتەندەرى عانا سانالعان. سايلاۋ بيۋللەتەندەرىنىڭ جارتىسىنان استامى ەسەپتەلگەننەن كەيىن نيكول پاشينياننىڭ «ازاماتتىق كەلىسىم» پارتياسى سايلاۋشىلاردىڭ – 58,5% داۋىسىن، ال بۇرىنعى پرەزيدەنت روبەرت كوچارياننىڭ بلوگى 18,8% داۋىس العانى جاريالاندى. كەيىننەن كوچاريان بلوگى سايلاۋداعى زاڭبۇزۋشىلىقتار تولىق انىقتالمايىنشا سايلاۋ ناتيجەسىن مويىنداۋدان باس تارتتى.
بىلتىر كۇزدە التى اپتاعا سوزىلعان تاۋلى قاراباق ءۇشىن سوعىستان كەيىن ارمەنيادا ساياسي داعدارىس ورىن الىپ، وپپوزيتسيا ۇكىمەت باسشىسىنىڭ وتستاۆكاسىن تالاپ ەتتى. سول سەبەپتى نيكول پاشينيان بيلىكتەن كەتىپ، كەزەكتەن تىس پارلامەنتتىك سايلاۋعا دايىندىق باستالدى. ال 2 ساۋىردە ەل پارلامەنتى ەكىنشى وقىلىمدا سايلاۋ كودەكسىنە وزگەرىستەر ەنگىزۋ تۋرالى زاڭ جوباسىن قابىلدادى. وعان سايكەس رەسپۋبليكا رەيتينگتىك جۇيەدەن تولىعىمەن باس تارتىپ، پروپورتسيونالدى جۇيەگە كوشەدى.
ەلدەگى ساياسي دوداعا 24 پارتيا مەن 1 ساياسي وداق قاتىسقان. جەرگىلىكتى زاڭعا ساي ساياسي پارتيا پارلامەنتكە ءوتۋ ءۇشىن سايلاۋشىلاردىڭ 5%، ال ساياسي بلوك 7%-دان استام داۋىس جيناۋى ءتيىس. ەلدە 2,5 ميلليوننان استام ادامنىڭ داۋىس بەرۋ قۇقىعى بار. سونىمەن قاتار سايلاۋدان كەيىن پارلامەنت جاڭا ءمينيستردى سايلاۋى ءتيىس. ەگەر ەكى تۋر كەزىندە دە ۇمىتكەرلەردىڭ ەشبىرى قاجەتتى داۋىس سانىن جيناي الماسا، پارلامەنت ءوزىن ءوزى تاراتىپ جىبەرەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟