پاشينياننىڭ وتستاۆكاسىنان كەيىن ارمەنيادا پارلامەنتتىك سايلاۋعا دايىندىق باستالدى

ارمەنيا پرەزيدەنتى ارمەن ساركيسيان 20 ماۋسىمدا مەرزىمىنەن بۇرىن پارلامەنتتىك سايلاۋ وتكىزۋ تۋرالى جارلىققا قول قويدى.

پرەزيدەنت اپپاراتىنىڭ ءباسپاسوز قىزمەتى جاريالاعان قۇجاتتا: «كونستيتۋتسيانىڭ 92 جانە 93-باپتارىنىڭ تالاپتارى مەن پارلامەنتتىڭ تاراتىلۋىن نەگىزگە الا وتىرىپ، پرەزيدەنت ساركيسيان 2021 جىلعى 20 ماۋسىمدا ۇلتتىق جينالىستا كەزەكتەن تىس سايلاۋ تۋرالى جارلىققا قول قويدى. جارلىق رەسمي جاريالانعاننان كەيىن كەلەسى كۇنى كۇشىنە ەنەدى»، – دەلىنگەن.

بۇعان دەيىن ەلدە مەرزىمىنەن بۇرىن پارلامەنتتىك سايلاۋ وتكىزۋ ءۇشىن دەپۋتاتتار نيكول پاشينياننىڭ قايتادان پرەمەر-مينيستر بولىپ تاعايىندالۋىنا داۋىس بەرگەن جوق. وپپوزيتسيانىڭ تالابى مەن ەلدەگى ساياسي داعدارىس سالدارىنان پاشينيان وتستاۆكاعا كەتەتىنىن جاريالادى.

6 مامىردا «مەنىڭ قادامىم» باسقارۋشى بلوگىنىڭ جەتەكشىسى ليليت ماكۋنتس پاشينياننىڭ «ازاماتتىق كەلىسىم» پارتياسى كەزەكتەن تىس پارلامەنتتىك سايلاۋعا ءوز بەتىنشە قاتىساتىنىن ايتتى.

ساراپشىلاردىڭ پىكىرىنشە، «ارمەنيا» بلوگىن قۇرعان بۇرىنعى پرەزيدەنت روبەرت كوچاريان پاشينياننىڭ سايلاۋداعى باستى قارسىلاستارىنىڭ ءبىرى بولماق. سونداي-اق، سايلاۋعا ارمەنيانىڭ ۇلتتىق قاۋىپسىزدىك قىزمەتىنىڭ بۇرىنعى باسشىسى ارتۋر ۆانەتسياننىڭ «وتان» پارتياسىمەن بلوك قۇراتىن ەكس-پرەزيدەنت سەرج سارگسيان دا قاتىسادى. پارلامەنتتىك وپپوزيتسيا  سانالاتىن «گۇلدەنگەن ارمەنيا» پارتياسى دا سايلاۋعا ەشقانداي بلوك قۇرامىنا وتپەستەن قاتىساتىنىن مالىمدەدى.

"The Qazaq Times"