ارمەنيادا پارلامەنت دەپۋتاتى مانداتىنان ۇمىتكەر 18 شەنەۋنىك بۇل قىزمەتتەن باس تارتتى. ونىڭ ىشىندە «ازاماتتىق كەلىسىمشارت» پارتياسىنىڭ جەتەكشىسى، پەمەر-مينيستر نيكول پاشينيان دا بار.

ارمەنيا ورتالىق سايلاۋ كوميسسياسىنىڭ حاتشىسى ارمەن سمباتياننىڭ مالىمەتىنشە، «ازاماتتىق كەلىسىمشارت» پارتياسىنىڭ اتىنان 16 ۇمىتكەر دوداعا قاتىسادى. پاشينيانمەن بىرگە پارلامەنت سپيكەرى ارارات ميرزويان مەن روبەرت كوچاريان دا بۇل لاۋازىمنان باس تارتقان. ەكى ساياساتكەر دە «ارمەنيا» بلوگىنىڭ مۇشەلەرى.

ارمەنيادا كەزەكتەن تىس پارلامەنتتىك سايلاۋ 20 ماۋسىمدا ءوتتى. وسك مالىمەتتەرى بويىنشا، ساۋلاۋدا «ازاماتتىق كەلىسىمشارت» پارتياسى 53,92%، كوچارياننىڭ «ارمەنيا» بلوگى – 21,04%، ەكس-پرەزيدەنت سەرج سارگسياننىڭ بلوگى – 5,23% داۋىس جيناعان. وسىلايشا، جەڭىسكە جەتكەن پاشينياننىڭ پارتياسى ەل ۇكىمەتىن قايتا قۇردى. بىراق ەل وپپوزيتسياسى سايلاۋ ناتيجەلەرىمەن كەلىسپەيدى.

"The Qazaq Times"