فوتو: ۆۆس

يزرايلدە حالىق پرەمەر-مينيستر بينيامين نەتانياحۋدۆڭ وتستاۆكاسىن تالاپ ەتىپ ميتينگكە شىقتى.

71 جاستاعى نەتانياحۋ پاراقورلىق، الاياقتىق جانە ءۇش ءتۇرلى ءىس بويىنشا سەنىمگە قيانات جاسادى دەگەن ايىپ تاعىلعان. سوت پروتسەسى قايتا جالعاسقان تۇستا نەتانياحۋدا كوروناۆيرۋس پاندەمياسىنا قارسى شارالارىنا قارسىلىق كۇشەيە ءتۇستى. ۇكىمەت ىندەتتىڭ ءبىرىنشى تولقىنىن كەرى قايتارعانداي بولعان ەدى، كارانتين شەكتەۋلەرىن الىپ تاستاۋ اۋرۋدىڭ قايتا ورشۋىنە اكەلدى. تۇرعىندار نەتانياحۋ مەن ونىڭ ۇكىمەتى كوروناۆيرۋس داعدارىسىمەن كۇرەستىڭ ورنىنا باسقا باعىتتارعا باسىمدىق بەرىپ وتىر دەپ نارازىلىق ءبىلدىرىپ جاتىر.

رەسمي مالىمەتتەر بويىنشا، يزرايل ۇكىمەتى پاندەميا جاعدايىندا الەۋمەتتىك كومەك رەتىندە ميللياردتاعان دوللار بولەتىنىن ايتتى، بىراق اقشا مۇقتاج تۇرعىندارعا جەتپەدى. ال ەل ازاماتتارىن باي-كەدەي دەپ بولمەي بارىنە بەردەي تولەم جاساۋ تۋرالى جوسپارىن بەدەلدى ەكونوميستەر سىنعا الدى. ىندەتتىڭ ءبىرىنشى جانە ەكىنشى تولقىندارى جۇمىسسىزدىقتى 3,9%-دان 20%-عا كوتەرىپ جىبەرگەن.

ءيزرايلدىڭ پرەمەر-ءمينيسترى نەتانياحۋعا ايىپ 2019 جىلعى قاراشادا تاعىلعان. باس پروكۋراتۋرا نەتانياحۋعا مەن ونىڭ وتباسى 2007-2016 جىلدار ارالىعىندا امەريكالىق پروديۋسەر ارنون ميلچەن مەن اۆستراليالىق بيزنەسمەن دجەيمس پاكەردەن جالپى سوماسى 250 مىڭ دوللار كولەمىندە سىيلىق قابىلداعان دەپ ايىپتادى. نەتانياحۋ تاعىلعان ايىپتى جوققا شىعاردى.

وتكەن اپتادا وپپوزيتسيالىق «ەش اتيد» پارتياسى كواليتسيالىق ۇكىمەت قۇرىپ، بۇل تۋرالى يزرايل پرەزيدەنتىن حاباردار ەتكەن بولاتىن. ساياسي داعدارىس ورىن العان يزرايلدە وڭشىل «يامينا» پارتياسىنىڭ باسشىسى، بۇرىنعى قورعانىس ءمينيسترى نافتالي بەننەت پەن «ەش اتيد» جەتەكشىسى ياير لاپيد كواليتسيالىق ۇكىمەت قۇرماق. قوس ساياساتكەردىڭ جوسپارى ناتيجەلى بولسا، يزرايلدە سوڭعى 12 جىلدا العاش رەت بينيامين نەتانياحۋسىز ۇكىمەت جاساقتالادى.

"The Qazaq Times"