تاياۋ شىعىستا يزرايل مەن حاماس قوزعالىسى اراسىنداعى اتىس توقتادى. 11 كۇنگە سوزىلعان قاندى قىرعىننىڭ اياقتالۋىنا ەگيپەت بيلىگى مەن حالىقارالىق قاۋىمداستىقتار سەبەپ بولدى.
19 مامىردا يزرايل پەرەمەرى بەنيامين نەتانياحۋ ەل حالقىنىڭ قاۋىپسىزدىگى قامتاماسىز ەتىلگەنگە دەيىن اۋە شابۋىلدارىنىڭ جالعاسا بەرەتىنىن ايتقان بولاتىن.
ال 20 مامىردا ءيزرايلدىڭ اسكەري-ساياسي كابينەتى ارنايى وتىرىس كەزىندە اتىس-شابىستى بىرجاقتى توقتاتۋ تۋرالى ۇسىنىستى ماقۇلدادى. حاماس قوزعالىسى دا بۇل شەشىممەن كەلىستى. جۋىردا ەگيپەت پرەزيدەنتى ايماقتاعى بىتىمگەرشىلىكتى باقىلاۋ ءۇشىن پالەستينا مەن يزرايلگە ەكى دەلەگاتسيا جىبەرەتىنىن مالىمدەگەن بولاتىن.
تاراپتار اراسىندا ءبىتىم ۇزاق ۋاقىتقا سوزىلۋى ءۇشىن ەگيپەت يزرايل جانە پالەستينا وكىلدەرى اراسىندا كەزدەسۋ ۇيىمداستىرۋعا كۇش سالادى دەگەن دە اقپارات بار.
تاياۋ شىعىستاعى شيەلەنىس وتكەن ايدا ۋشىعا باستاعان. وعان يزرايل سوتىنىڭ يەرۋساليمدەگى شەيح-دجاراح اۋدانىنان پالەستينالىقتاردى كوشىرۋ تۋرالى شەشىمى سەبەپ بولدى. يزرايل 1967 جىلى تاياۋ شىعىستاعى سوعىستان سوڭ شىعىس يەرۋساليمدى باسىپ الىپ، استانامىز دەپ جاريالاعان. بىراق حالىقارالىق قاۋىمداستىق يەرۋساليمدى يزرايل استاناسى دەپ مويىندامادى. پالەستينالىقتار شىعىس يەرۋساليمدى ءوز جەرىمىز ءارى بولاشاقتا قۇرىلاتىن تاۋەلسىز ەلىمىزدىڭ استاناسى بولادى دەپ سانايدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى