فوتو: اشىق دەرەككوز

وتكەن تاۋلىكتە قازاقستاندا 1 849 ادامنان كوروناۆيۋس انىقتالىپ، 23 ادام قايتىس بولعان. دەنميننىڭ حابارلاۋىنشا، ەكى كۇن بۇرىن 107 ادامنان كوروناۆيرۋس پنەۆمونياسى تابىلعان.

قاراعاندى وبلىسىندا – 320 جاعداي، استانادا – 297, الماتىدا – 290, :zap: اقمولا وبلىسىندا – 129, باتىس قازاقستان وبلىسىندا-98, پاۆلودار وبلىسىندا – 97, شىمكەنتتە – 91, الماتى وبلىسىندا – 90, شىعىس قازاقستان وبلىسىندا – 80, اتىراۋ وبلىسىندا-75, اقتوبە وبلىسىندا – 64, ماڭعىستاۋ وبلىسىندا – 47, قوستاناي وبلىسىندا – 41, تۇركىستان وبلىسىندا – 39, سولتۇستىك قازاقستان وبلىسىندا – 38, جامبىل وبلىسىندا – 32, قىزىلوردا وبلىسىندا – 21 جاعداي تىركەلگەن.

2020 جىلدىڭ 13 ناۋرىزىنان بەرى 380 160 ادامنىڭ پتر تەستى وڭ شىققان، 3879-ى قايتىس بولعان.

قازاقستان بيلىگى كوروناۆيرۋس پنەۆمونياسىنا شالدىققانداردى Covid ستاتيستيكاسىنا ەنگىزبەگەن. بىراق حالىقارالىق ۇيىمنىڭ قىسىمىمەن بىلتىر 1 تامىزدان بەرى ەسەپكە الا باستاعان. سودان بەرى 54 837 ادامعا كوروناۆيرۋس پنەۆمونياسى دياگنوزى قويىلعان. 3349-ى قايتىس بولعان.

وسى اپتادا دەنساۋلىق ساقتاۋ ءمينيسترى الەكسەي تسوي ەلدە ەپيدەميولوگيالىق احۋالدىڭ تۇراقتالعانىن ايتقان. قازىر اتىراۋ، اقمولا، قاراعاندى وبلىستارى، الماتى مەن استانا «قىزىل ايماقتا» تۇر. پاۆلودار، باتىس قازاقستان وبلىسى، اقتوبە وبلىسى، قوستاناي وبلىسى، سولتۇستىك قازاقستان وبلىسى «سارى ايماقتا» تۇر. قالعانى وبلىستار «جاسىل ايماقتا».

"The Qazaq Times"