قازان ايىندا باسقا وڭىرلەرگە قاراعاندا ەڭ كوپ سىرقات تىركەلگەن الماتىدا 9 مىڭعا جۋىق ادامنىڭ تالداۋىنان كوروناۆيرۋس انىقتالعان، تاعى 170 شاقتى ادامعا كوروناۆيرۋس پنەۆمونياسى دياگنوزى قويىلعان. قازىر قالانىڭ 3,3 مىڭ تۇرعىنى ەمدەلىپ جاتىر. جۋىردا عانا سانى قىسقارعان اۋرۋحانالارداعى توسەك-ورىن قورىنىڭ 46%-ىندا ناۋقاستار بار.
قوعامدىق دەنساۋلىق ساقتاۋ باسقارماسىنىڭ مالىمەتىنشە، وتكەن تاۋلىكتە، 28 قازاندا تىركەلگەن 222 ادامنىڭ 207-ءسى سيمپتوم بەلگىلەرىمەن، تاعى 15-ءى سيمپتومسىز. سونىمەن قوسا، بەيسەنبى كۇنى 101 ادام اۋرۋحاناعا جاتقىزىلعان.
جالپى قالادا سىيىمدىلىعى 2334 ورىن بولاتىن ينفەكتسيالىق ستاتسيونارلاردا 1074 ادام ەمدەلىپ جاتىر. ولاردىڭ اراسىندا 30 بالا توسەككە تاڭىلعان. ال رەانيماتسيا جانە قارقىندى تەراپيا بولىمدەرىندە 104 ناۋقاس جاتىر. 29 ادام ءوجج، 44 ناۋقاس ءينۆازيۆتى ەمەس ءوجج جانە 29 سىرقات High flow اپپاراتىمەن تىنىستاپ جاتىر. سونداي-اق، بمسك مەن تەلەمەديتسينا ورتالىعىنىڭ ءموبيلدى توپتارىمەن بىرگە ءۇي جاعدايىندا 2248 ناۋقاس امبۋلاتورلىق دەڭگەيدە باقىلاۋعا الىنعان.
اپتا باسى، سارسەنبىدە 2 ادام كوروناۆيرۋس پەن وعان ۇقساس پنەۆمونيادان قايتىس بولعان. قازان ايىندا 162 الماتىلىق وسى دەرتتەن كوز جۇمعان. ءتورت اي «قىزىل ايماقتا» بولعان قالا اپتا باسىندا عانا سارى ايماققا وتكەن.
باقسارما مالىمەتىنشە، الماتى قالاسىندا بيىل اقپاننان بەرى 993 مىڭداي ادام ەكپەنىڭ العاشقى، ونىڭ ىشىندە 924 مىڭى تولىق دوزاسىن العان. ونىڭ 120 مىڭى 60 جاستان اسقان ازاماتتار. قازىر 137 ەگۋ پۋنكتى مەن 205 ەگۋ بريگاداسىندا 733 مەدقىزمەتكەر جۇمىس ىستەيدى.
الماتى قالاسىندا پاندەميا باستالعالى 185 مىڭعا تارتا ادام اۋىرعان، ونىڭ 9,1 مىڭى قازان ايىندا انىقتالىپ ۇلگەردى. قازىر رەسپۋبليكادا تىركەلەتىن كۇندەلىكتى ەسەپتىڭ كەمىندە 13-20%-ى الماتى قالاسىنا تيەسىلى بولىپ وتىر.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا