قاراشا اي باستالعالى الماتىدا 1456 ادامنىڭ تالداۋىنان كوروناۆيرۋس انىقتالعان، تاعى 38 ادامعا كوروناۆيرۋس پنەۆمونياسى دياگنوزى قويىلعان. قازىر قالانىڭ 2,3 مىڭ تۇرعىنى ەمدەلىپ جاتىر. وتكەن ايدا سانى ايتارلىقتاي قىسقارعان اۋرۋحانالارداعى توسەك-ورىن قورىنىڭ 34%-ىندا ناۋقاستار بار.
قوعامدىق دەنساۋلىق ساقتاۋ باسقارماسىنىڭ مالىمەتىنشە، وتكەن تاۋلىكتە، 9 قاراشادا تىركەلگەن 134 ادامنىڭ 130-ى سيمپتوم بەلگىلەرىمەن، تاعى تورتەۋى سيمپتومسىز. سونىمەن قوسا، دۇيسەنبى كۇنى ءجۇز شاقتى ادام اۋرۋحاناعا جاتقىزىلعان.
جالپى قالادا سىيىمدىلىعى 2334 ورىن بولاتىن ينفەكتسيالىق ستاتسيونارلاردا 793 ادام ەمدەلىپ جاتىر. ولاردىڭ اراسىندا 20 بالا توسەككە تاڭىلعان. ال رەانيماتسيا جانە قارقىندى تەراپيا بولىمدەرىندە 86 ناۋقاس جاتىر. 16 ادام ءوجج، 45 ناۋقاس ءينۆازيۆتى ەمەس ءوجج جانە 20 سىرقات High flow اپپاراتىمەن تىنىستاپ جاتىر. سونداي-اق، بمسك مەن تەلەمەديتسينا ورتالىعىنىڭ ءموبيلدى توپتارىمەن بىرگە ءۇي جاعدايىندا 1,5 مىڭ ناۋقاس امبۋلاتورلىق دەڭگەيدە باقىلاۋعا الىنعان.
اپتا باسى، دۇيسەنبىدە 3 ادام كوروناۆيرۋس پەن وعان ۇقساس پنەۆمونيادان قايتىس بولعان. قازان ايىندا 173, قاراشا ايىنىڭ العاشقى اپتاسىندا 24 الماتىلىق وسى دەرتتەن كوز جۇمعان.
باقسارما مالىمەتىنشە، الماتى قالاسىندا بيىل اقپاننان بەرى ميليوننان اسا ادام ەكپەنىڭ العاشقى، ونىڭ ىشىندە 944 مىڭى تولىق دوزاسىن العان. ونىڭ 121 مىڭى 60 جاستان اسقان ازاماتتار. قازىر 132 ەگۋ پۋنكتى مەن 205 ەگۋ بريگاداسىندا 733 مەدقىزمەتكەر جۇمىس ىستەيدى.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى