وسى اپتادا ەو-عا مۇشە ەلدەردىڭ مينيسترلەرى وداق پەن شەنگەن ايماعىنا كىرۋگە شەكتەۋلەردى جەڭىلدەتۋ تۋرالى شەشىم قابىلدادى. ەندى ەۋروپانىڭ ءدارى-دارمەك اگەنتتىگى مەن دۇنيەجۇزىلىك دەنساۋلىق ساقتاۋ ۇيىمى بەكىتكەن ۆاكتسينانى سالدىرعان ادامدار ەۋروپاعا بارا الادى. ماقۇلدانعان تىزىمگە Pfizer, Moderna, AstraZeneca, Johnson & Johnson ەكپەلەرى ەنگىزىلگەن.
ەكپە ەۋرووداق اۋماعىنا كىرگەنگە دەيىن 14 كۇن بۇرىن سالىنۋى ءتيىس. سونداي-اق ەۋروكوميسسيانىڭ ۇسىنىسىنان كەيىن وداق كەڭەسى مەن ەۋروپارلامەنت «ۆاكتسينالاۋدىڭ بىرىڭعاي كۋالىگىن» بەكىتتى.
«تسيفرلىق جاسىل تولقۇجاتتا» كوروناۆيرۋسپەن بايلانىستى بارلىق مالىمەتتەر: ادامنىڭ اۋرۋلار تاريحى، پتر-تەستىلەرىنىڭ ناتيجەسى جانە ۆاكتسينالاۋ تۋرالى اقپارات كورسەتىلەدى. كۋالىك 1 شىلدەدەن باستاپ تالاپ ەتىلەدى.
بۇدان باسقا، ەۋرووداققا مۇشە ءاربىر ەل «ەۋروپالىق بىرىڭعاي كۋالىگى» جوق شەتەل ازاماتىن ەلگە كىرگىزۋ ماسەلەسىن جەكە قاراستىرماق.
جاسى بويىنشا ءالى ۆاكتسيناتسيالاي المايتىن بالالار ۆاكتسيناتسيالانعان اتا-انالارىمەن بارا الادى. بىراق ولار بالانىڭ پتر تەستىنىڭ تەرىس ناتيجەسىن شەكارادان وتكەنگە دەيىن 72 ساعات بۇرىن كورسەتۋى كەرەك. ەۋروپالىق وداقتا قازىر 12 جاستان 15 جاسقا دەيىنگى بالالارعا BioNTech / Pfizer ەكپەسىن ەگۋگە رۇقسات بەرۋ جاعى قاراستىرىلىپ جاتىر.
Covishield ۆاكتسيناسىمەن (AstraZeneca-نىڭ ۇندىلىك انالوگى), سونداي-اق قىتايلىق Sinopharm كومپانياسىنىڭ ۆاكتسيناسىن قابىلداعاندار دا ەۋرووداق اۋماعىنا كىرە الادى. سەبەبى اتالعان ەكى ۆاكتسينانى دۇنيەجۇزىلىك دەنساۋلىق ساقتاۋ ۇيىمى توتەنشە جاعدايدا قولدانۋعا كەڭەس بەرەدى. ەو كەڭەسىنىڭ شەشىمىندە بىرلەستىكتىڭ ءار مەملەكەتى وسى تىزىمدەگى پرەپاراتتارمەن تولىق ۆاكتسيناتسيالانعان ادامدار ءۇشىن «شەنگەن ايماعىنا وتۋگە رۇقسات بەرىلەدى» دەلىنگەن.
بىراق «سپۋتنيك V» ۆاكتسيناسىن قابىلداعاندار ازىرگە ەۋروپاعا كىرە المايدى. ويتكەنى، رەسەيلىك ەكپە ءالى دە ەۋروپالىق ءدارى-دارمەك اگەنتتىگىنىڭ پاراللەل تالداۋ كەزەڭىندە تۇر. ددۇ-نىڭ نەگىزگى تىزىمىندە «سپۋتنيك V» ەكپەسىنە «قوسىمشا مالىمەتتەر قاجەت» دەگەن بەلگى قويىلعان. ەكپەنىڭ سىناۋ مامىر مەن ماۋسىمعا جوسپارلانعان.
قازىر ەۋروپا تۋريزم ءۇشىن شەكاراسىن اشقان مەملەكەتتەر تىزىمىندە جەتى ەل بار: اۆستراليا، جاڭا زەلانديا، رۋاندا، سينگاپۋر، تايلاند، وڭتۇستىك كورەيا جانە قىتاي. ەندى ەۋروپالىق كەڭەس تىزىمگە مەملەكەت ەنگىزۋدىڭ باستى كريتەريىن وزگەرتپەك: 100 كۇندە 14 مىڭ ادامعا شاققاندا ناۋقاستار سانى 75 كەيستەن اسپاۋى كەرەك. وسى ۋاقىتقا دەيىن 25 كەيس دەپ بەلگىلەنگەن بولاتىن.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟