ەپيداحۋال جاقسارعان ەۋروپانىڭ بىرقاتار ەلدەرىندە كارانتين شەكتەۋلەرى جەڭىلدەتىلە باستادى. 

وسى اپتادان باستاپ يتاليادا مادەني نىساندار قايتا اشىلىپ جاتىر. مىسالى، پيزا مۇناراسىنا كەلۋشىلەردى قابىلداۋعا رۇقسات بەرىلدى. ءبىراز وڭىرلەر قىزىل ايماقتان سارىعا ءوتىپ جاتىر. الايدا ەل استاناسى ريم ماڭىنداعى ساباۋديا قالاسى كەرىسىنشە قىزىل ايماققا ءوتتى. ويتكەنى مۇندا كوروناۆيرۋس جۇقتىرۋ دەرەكتەرى كوبەيگەن.

فرانتسيادا ەندى ەل ىشىندەگى وڭىرلەر اراسىندا قاتىناۋعا قاتىستى شەكتەۋلەر الىنىپ تاستالدى. سونداي-اق بۇگىن ورتا جانە جوعارى سىنىپ وقۋشىلارى مەكتەپكە قايتا ورالدى. ولار ءساۋىردىڭ باسىندا ونلاين وقۋعا كوشىرىلگەن بولاتىن.

ال گرەكيادا بۇگىننەن باستاپ تاماقتانۋ ورىندارى اشىلدى. ولار بىلتىر قاراشادان بەرى كەلۋشىلەردى قابىلداماعان ەدى. دەگەنمەن قوناق عيمارات ىشىندە وتىرا المايدى. ازىرگە مەيرامحانا مەن قوناق ۇيلەردىڭ جازعى الاڭدارى عانا جۇمىس ىستەيدى. ودان بولەك، بۇگىننەن باستاپ تۇنگى كومەندانتتىق ساعات ۋاقىتى ءبىر ساعاتقا قىسقارادى. تۋرا ءبىر اپتادان كەيىن باستاۋىش جانە ورتا سىنىپ وقۋشىلارى مەكتەپكە ورالادى. ال 14 مامىردا ەللادا ەلى شەتەلدىك تۋريستەر ءۇشىن شەكاراسىن قايتا اشۋعا دايىندالىپ جاتىر.

"The Qazaq Times"