" ...تۋعان جەردىڭ قاسقىرى،

كەمىر اقىن سۇيەگىن. 

تۋعان جەردىڭ تاس-قۇمى

سەنى سولاي سۇيەمىن"!   

قازاقتىڭ ايگىلى جىراۋى، تۋعان جەرگە ساعىنىش جىرلارىنىڭ دابىلى جاركەن جىراۋ بودەشۇلى 76 جاسقا قاراعان شاعىندا ومىردەن وزدى. وسى ءبىر ەل ءومىرى مەن رۋحانياتىنا اۋىر تيگەن جىلداردا قازاقتىڭ تاعى ءبىر جىر الىبى ماڭگىلىك ساپارعا اتتاندى. 

جاركەن (جارمۇحاممەد) بودەشۇلى 1944 جىلى مامىردىڭ 15 جاڭاسىندا تارباعاتايدىڭ جايىر تاۋىندا ومىرگە كەلگەن. قازمۋ-دىڭ جۋرناليستيكا فاكۋلتەتىن ءبىتىرىپ، ءتۇرلى باسىلىمداhدا، سونداي-اق، قازاقستان جازۋشىلار وداعى مەن دۇنيەجۇزى قازاق قاۋىمداستىعىندا قىزمەت ىستەدى.

جاركەن جىراۋ قازاق پوەزياسىنىڭ التىن قورىنا "كوكشە قۇراق", "قوس قانات", "جۇلدىزعا ورنىن اي بەرمەس", "بۇرىلىس" قاتارلى وننان استام جىر جيناقتارىن، ادەبيەت قازىناسىنا سونى سوقپاقتى داستاندارىن قالدىردى. اقىن حالىقارالىق "الاش" ادەبيەت سىيلىعىنىڭ يەگەرى.

جىراۋدىڭ ورنى تولماس قازاسىنا وراي، مارقۇمنىڭ تۋعان-تۋىستارىنا، اۋىلداس اعايىن-جۇرتىنا قايعىرا وتىرىپ كوڭىل ايتامىز! جىرلارى ميلليونداعان جۇرەكتەرگە جەرلەنىپ، بەيىشتە نۇرىن شالقىتسىن! 

“The Qazaq Times”