رەسەيلىك «سپۋتنيك V» ۆاكتسيناسىن سلوۆاكياعا جەتكىزۋ تۋرالى كەلىسىم كەزەكتى جانجالعا اينالدى. قازىر ءىرى كەلىسىمگە قاۋىپ ءتونىپ تۇر – ۇلتتىق ءدارى-دارمەكتەر باسقارماسى (SUKL) ۆاكتسينانى جەتكىزۋدە قاتەلىكتەردىڭ بولعانىن جاريالادى. ەندى رەسەي تاراپى «سپۋتنيكتىڭ» 200 مىڭ دوزاسىن كەرى قايتارۋدى تالاپ ەتىپ وتىر.
وسى اپتادا سلوۆاكيالىق Dennik جانە Noviny گازەتتەرى وسى ماسەلەگە بايلانىستى قۇجاتتى جاريالادى. وندا رەسمي باسقارمانىڭ سلوۆاكيا دەنساۋلىق ساقتاۋ مينيسترلىگىنەن سۇراعان قۇجاتتامانىڭ بولماعانى ايتىلادى. ياعني ۆاكتسينانى ساتىپ الۋ كەزىندە جاساسقان كەلىسىمشارتتاعى تولىق مالىمەتتەر كەلتىرىلگەن قۇجاتتى رەسەي تاراپى ۇسىنباعان. دەرەكتەردىڭ شامامەن 80%-ى جوق. بۇل ءوز كەزەگىندە سلوۆاكيا ۇكىمەتىنىڭ ۆاكتسمناعا دەگەن كۇمانىن تۋعىزعان.
سلوۆاكيا مەن ۆەنگريا ەۋروپانىڭ ءدارى-دارمەكتى رەتتەۋ اگەنتتىگىنىڭ شەشىمىن كۇتپەي، رەسەيدەن 2 ميلليون دوزا ۆاكتسينا ساتىپ الۋ جونىندە كەلىسىمگە وتىرعان. كلينيكاعا دەيىنگى جانە كلينيكالىق زەرتتەۋلەردە قولدانىلعان ۆاكتسينالار سلوۆاكياعا جىبەرىلگەن پارتيالاردىڭ سيپاتتامالارىنا سايكەس كەلمەگەن. ەلگە «سپۋتنيكتى» جەتكىزۋگە بايلانىستى كەلىسپەۋشىلىكتەر ءبىر ايدان بەرى جالعاسىپ كەلەدى. ءتورت پارتيالىق باسقارۋشى كواليتسياداعى سەرىكتەستەردىڭ قارسىلىعىنا قاراماستان، سول كەزدە پرەمەر-مينيستر بولعان ماتوۆيچ جاسىرىن تۇردە دەنساۋلىق ساقتاۋ مينيسترىنە رەسەيمەن كەلىسىم جاساسۋدى جانە ۆاكتسينا ساتىپ الۋدى تاپسىرعان. ناتيجەسىندە التى مينيستر، ونىڭ ىشىندە پرەمەر بولعان ءماتوۆيچتىڭ ءوزى وتستاۆكاعا كەتتى.
رەسەي «سپۋتنيك-V» ۆاكتسيناسىن تولىق كلينيكالىق سىناقتان وتكىزبەي جاتىپ جاپپاي ۆاكتسينالاۋعا رۇقسات ەتكەن بولاتىن. ماسكەۋدىڭ بۇل قادامى ەل ىشىندە دە، الەم ەلدەرى اراسىندا دا پىكىرتالاسقا جول اشىپ ەدى. دەگەنمەن، The Lancet باسىلىمى مامانداردىڭ زەرتتەۋ ناتيجەسىن العا تارتا وتىرىپ «سپۋتنيك V»-ءتىڭ ونىمدىلىگىن، قاۋىپسىزدىگى Pfizer, Oxford / AstraZeneca, Moderna جانە Janssen قاتارلى كوروناۆيرۋسقا قارسى ۆاكتسينالاردىڭ قاتارىنا قويۋعا بولادى دەگەن.
مامانداردىڭ پىكىرىنشە «سپۋتنيك-V» ۆاكتسيناسى كوروناۆيرۋسقا قارسى جۇمىس ىستەۋى بريتانيادا شىعارىلعان Oxford/AstraZeneca مەن بەلگيادا جاسالعان Janssen ۆاكتسيناسىنا ۇقساس. ياعني، جەڭىلدەتىلگەن ساسىق تىماۋ ۆيرۋسى ارقىلى كوروناۆيرۋستىڭ ءبىر بولىگىن ادامنىڭ يمۋندىق جۇيەسىنە جەتكىزەدى. سونىڭ ناتيجەسىندە ادامنىڭ يمۋندىق جۇيەسى كوروناۆيرۋسقا قارسى كۇرەسۋگە قابىلەتتە بولماق.
قازاقستاندا اتالعان رەسميلىك ۆاكتسينا 1 اقپاننان باستاپ سالىنا باستادى. دەگەنمەن، «سپۋتنيك-V» تۋراسىندا ازاماتتاردىڭ پىكىرى ءارتۇرلى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى