دەنساۋلىق ساقتاۋ مينيسترلىگىنىڭ بۇگىنگى دەرەگىنە سايكەس، 585 ادامنان كوروناۆيرۋس انىقتالعان. ونىڭ 490-ىندا سيمپتومدىق بەلگىلەرى بار، 95-ءى سيمپتومسىز.
قوعامدىق دەنساۋلىق ساقتاۋ باسقارماسىنىڭ رەسمي مالىمەتىنشە، وتكەن تاۋلىكتە 353 ادام اۋرۋحاناعا جاتقىزىلعان جانە 491 ادام ۇيىنە جىبەرىلگەن. ناۋرىز ايىنىڭ ورتاسىندا باس سانيتار دارىگەر جانداربەك بەكشين ءبىر كۇندە اۋرۋحاناعا جاتقىزىلعاندار سانى 500-دەن اسسا، قالادا لوكداۋن كۇشەيتىلىپ، بلوك-بەكەت قويىلاتىنىن ەسكەرتكەن.
جالپى قالادا دايىندالعان 5,6 مىڭ ورىننىڭ 3114-ىندە سىرقات ەمدەلۋدە. ونداعى 2,4 مىڭ ادامنىڭ جاعدايى ناشار، 570-ءى اۋىر جانە 77 ناۋقاس تىم اۋىر حالدە. سونداي-اق، 87 بالا جەڭىل جانە ورتاشا كۇيدە ستاتسيوناردا جاتىر. ال رەانيماتسيا جانە قارقىندى تەراپيا بولىمدەرىندەگى 272 ورىننىڭ 178-ىندە ناۋقاستار جاتىر. 14 ادام ءوجج، 69 ناۋقاس ءينۆازيۆتى ەمەس ءوجج-ىمەن جانە 64 سىرقات High flow اپپاراتىمەن تىنىستاپ جاتىر.
بۇدان وزگە سىيىمدىلىعى 815 ورىن بولاتىن 7 قوناق ءۇي كارانتين مەكەمەسى رەتىندە جۇمىس ىستەيدى.
وسى كۇنگە دەيىن قالادا 44 مىڭعا تارتا تۇرعىن ۆاكتسينانىڭ العاشقى جانە 7 مىڭدايى ەكىنشى دوزاسىن سالدىرعان.
الماتىدا ءبىر جىلدا سىرقاتتار قاتارى 43 مىڭنان اسقان. مۇنىڭ 29%-ى، ياعني 12,6 مىڭ ادام وسى كوكتەمدە تىركەلگەن. وكىنىشكە قاراي، وسى ارالقتا 152 الماتىلىق كوز جۇمعان.
ءباا، مىسىر، مالديۆ، يسپانيا، تۇركيا، گرۋزيا، بەلارۋس، شري-لانكا، ساۋد ارابياسى، قحر، وڭتۇستىك كورەيا، گەرمانيا، ۋكراينا، رەسەي فەدەراتسياسى، ءازىربايجان، تاجىكستان، وزبەكستان جانە قىرعىزستان ءتارىزدى ەلدەردەن الماتى قالاسىنا 1 ناۋرىزدان بەرى جۇزدەگەن حالىقارالىق اۋە رەيسى كەلدى. كوكتەم تۋعالى الاتاۋ باۋرايىنا 562 رەيسپەن 81 292 جولاۋشى ۇشىپ كەلگەن: 76 786 ادام پتر قورىتىندىسىمەن، 4506 ادام پتر انىقتاماسىنسىز. وسىنىڭ سالدارىنان جۇعۋ جانە ولىمگە سوقتىرۋ قاتەرى جوعارى بريتاندىق جانە وڭتۇستىكافريكالىق شتامدار تىركەلىپ، وزگە وڭىرلەرگە تارالعان.
ەلدە قاڭتار ايىنىڭ ەكىنشى جانە اقپان ايىنىڭ العاشقى جارتىسىندا ناۋقاستار قاتارى كۇرت كوبەيگەن. اقپان ايىنىڭ ەكىنشى جارتىسىندا ءبىرشاما كەمىگەن ەدى، دەسە دە ناۋرىزدا قايتا ارتتى. قازىر تاۋلىگىنە 2 مىڭعا جۋىق سىرقات جانە 15 شاقتى ءولىم جاعدايى تىركەلىپ جاتىر. كوكتەم تۋعالى 45 مىڭعا تارتا (كۆي+ 43 مىڭ، كۆي- 1,5 مىڭ) ناۋقاس انىقتالدى، 438 ادام (كۆي+ 357, كۆي- 81) ومىردەن قايتتى.قالانىڭ باس سانيتار دارىگەرى جانداربەك بەكشين كەيىنگى بەس اپتادا 10 قاۋلى شىعاردى. سەبەبى قابىلدانعان ەرەجە مەن قاتاڭداتىلعان لوكداۋن شاراسى كۇتكەندەي ناتيجە بەرمەدى. مۇنى دۇيسەنبى كۇنگى بريفينگتە بەكشين دەمالىس كۇندەرى قوعامدىق كولىكتى توقتاتۋ جانە ساۋدا قاتارلارىنىڭ جۇمىسىن شەكتەۋ سياقتى شەشىم «ءتيىمسىز بولماعانىن»، ياعني بۇدان ىندەت احۋالى جاقسارماعانىن مويىندادى. ول ءۇش اپتادان اسا ۋاقىت «قىزىل ايماقتا» تۇرعان قالادا تىركەلىپ جاتقان ناۋقاستار ۆيرۋستى «كوبىنە جاياۋ جۇرگىنشىلەردىڭ جولدارى مەن ساياباقتا» جۇقتىرعانىن ايتادى.
بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 257 مىڭعا، 1 تامىزدان بىلايعى كوروناۆيرۋس پنەۆمونياسى 51 مىڭعا جۋىقتاعان. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 307,5 مىڭعا جاقىنداعان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى. سونداي-اق پاندەميا كەزىندە جالپى ۆيرۋس جۇققانداردىڭ 5457-ءسى (كۆي+ / U07.1 – 3129, كۆي- / U07.2 – 709, ىلەسپە اۋرۋلاردان – 1619) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟