بۇگىن دەنساۋلىق ساقتاۋ ءمينيسترى الەكسەي تسوي وكق-دا وتكەن بريفينگتە قازاقستاننىڭ 10 وبلىسى مەن رەسپۋبليكالىق ماڭىزى بار 3 قالاسىندا شەتەلدىك شتام ۇلگىلەرى انىقتالعانىن مالىمدەدى.
ءمينيستردىڭ ايتۋىنشا، ەلدە ەپيدەميولوگيالىق جاعداي ناشارلادى.
«كەيىنگى 2 اپتادا الماتى، شىمكەنت قالالارى مەن استانادا، اقتوبە، الماتى وبلىستارىندا ناۋقاس سانى ارتىپ، ۆيرۋس جۇقتىرعاندار 1,5 ەسە ءوستى (11 300-دەن 17 633 جاعدايعا دەيىن). جالپى ناۋقاستىڭ 56% الماتى قالاسىنان، وندا اقپان ايىندا تاۋلىگىنە 100, ناۋرىزدا تاۋلىگىنە 500 جاعداي تىركەلدى. ەلوردادا اقپاندا تاۋلىگىنە 100, وسى ايدا تاۋلىگىنە 350 جاعدايعا جەتتى»، – دەيدى ول.
الەكسەي تسوي ناۋرىز ايىنان باستاپ حالىقتى تەستىلەۋ تاۋلىگىنە 49 مىڭ زەرتتەۋگە دەيىن ارتقانىن، اقپاندا تاۋلىگىنە 38 مىڭ زەرتتەۋگە دەيىن جۇرگىزىلگەنىن حابارلادى. ونىڭ سوزىنشە، مينيسترلىك ددسۇ-مەن بىرلەسىپ Covid-19 شتامدارىن انىقتايتىن ەكسپرەسس پتر-سكرينينگتىڭ جاڭا ءادىسىن ەنگىزگەن.
«ۇلتتىق قوعامدىق دەنساۋلىق ساقتاۋ ورتالىعى فيليالىنىڭ رەفەرەنس-زەرتحاناسى ەلدىڭ بارلىق ايماعىنان پتر ارقىلى راستالعان تالداۋ ۇلگىلەرىن جيناقتاپ، زەردەلەۋ جۇمىسىن جۇرگىزدى. زەرتتەۋ قورىتىندىسى بويىنشا، شقو، بقو، قوستاناي جانە پاۆلودار وبلىسىنان وزگە وڭىرلەردە بريتاندىق، وڭتۇستىكافريكالىق، برازيليالىق شتامعا ءتان ىقتيمال مۋتاتسيا انىقتالدى»، – دەپ مالىمدەدى مينيستر.
تسوي وقىعان بايانداما دەرەگىنە قاراعاندا، پتر تەستى ارقىلى راستالعان 265 سىناما تولىقتاي گەنومدىق سەكۆەنيرلەنۋدەن وتكەن. 87 سىنامادان ءۇش جاڭا شتامنىڭ مۋتاتسياسى تابىلدى. ونداعى 12 ۇلگىدەن بريتاندىق شتامعا ءتان مۋتاتسيا انىقتالعان: الماتى قالاسىندا – 8, اقتوبە وبلىسى – 3, استانا – 1. ونىڭ 5-ەۋى ءباا، 3-ەۋى مىسىر ەلدەرىنەن كەلگەن.
«B117 كودىمەن بەلگىلەنەتىن بريتان نۇسقاسىنىڭ باستى قاۋپى – ءولىم قاتەرى ۇلعايىڭقى. اعىلشىن شتامىنىڭ رەپرودۋكتيۆتى كورسەتكىشى R=1,1-دەن 1,9-عا دەيىن وسكەنى الاڭداتادى. دەمەك قاراپايىم تۇرىنە قاراعاندا تەز جۇعادى. ال برازيليالىق شتامنىڭ ءولىم قاتەرى تومەن، دەگەنمەن ەلدەگى COVID-19 شتامىنا قاراعاندا جىلدام تارالادى»، – دەلىنگەن رەسمي مالىمدەمەدە.
ددسۇ 30 ناۋرىزداعى دەرەگى بويىنشا، بريتاندىق شتامم SARS-CoV-2 125 ەلدە، وڭتۇستىكافريكالىق ءتۇرى 75 ەلدە، ال برازيليالىق ۇلگىسى 41 ەلدە انىقتالعان. كوروناۆيرۋستىڭ جاڭا شتامدارى مەن العاشقى شتامنىڭ بەلگىلەرى بىردەي – دەنە تەمپەراتۋراسى كوتەرىلەدى، جوتەل پايدا بولادى جانە ادام ءدام مەن ءيىس سەزۋ قابىلەتى جوعالادى.
«گەنومدى سەكۆەنيرلەۋ پتر تەستى سياقتى كۇندەلىكتى جانە تۇراقتى تۇردە جۇرگىزىلمەيدى. ول شتامداردىڭ مۋتاتسياسىن جانە كەز كەلگەن وزگەرىستىڭ بار-جوعىن انىقتاۋ ءۇشىن بەلگىلى ءبىر كەزەڭدە جۇزەگە اسىرىلادى. ناۋرىزدا بريتاندىق، وڭتۇستىكافريكالىق جانە برازيليالىق بارلىق ءۇش شتامعا ءتان مۋتاتسيا ىقتيمالدىعىن زەرتتەۋ ادىستەمەسى قولدانىلدى»، – دەدى سانيتارلىق-ەپيدەميولوگيالىق باقىلاۋ كوميتەتىنىڭ توراعاسى ايجان ەسماعامبەتوۆا.
قازىرگى تاڭدا ەلدە جۇقپالى اۋرۋلارعا ارنالعان ورنىننىڭ 33%-ىندا (8130) ناۋقاستار جاتىر. سونداي-اق رەانيماتسيا بولىمىندەگى 20% (450) توسەك-ورىندا سىرقاتتار ەمدەلۋدە.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟