فوتو: s0.rbk

ەۋروپالىق وداق ۆاكتسيناتسيانىڭ تسيفرلىق سەرتيفيكاتىن رەسمي تۇردە بەكىتتى. COVID-ءتىڭ تسيفرلىق سەرتيفيكاتى تۋرالى ەو رەگلامەنتى ەۆروينستيتۋتتار اراسىندا رەكوردتى 62 كۇن ىشىندە كەلىسىلدى.

وسى اپتادا ەۋروپالىق وداقتاعى ءۇش ينستيتۋتتىڭ – ەۋروپالىق پارلامەنتتىڭ، وداقتىڭ جانە ەۋروكوميسسيانىڭ باسشىلارى ۆاكتسيناتسيانىڭ تسيفرلىق سەرتيفيكاتى تۋرالى ەو رەگلامەنتىنە رەسمي قول قويۋ شاراسىنا قاتىسقان. جيىندا ۋرسۋلا فون دەر ليايەن: «COVID-19-عا قارسى ۆاكتسيناتسيانىڭ تسيفرلىق سەرتيفيكاتى ەۋروپا قۋاتتاپ وتىرعان دۇنيەنىڭ نىشانى سانالادى. ءبىزدىڭ وداق بىرلەسكەن جاعدايدا جاقسى جۇمىس ىستەيتىنىن تاعى ءبىر مارتە كورسەتتى. ءبىز زاڭنامالىق پروتسەسپەن جۇمىس ىستەپ جاتقان ۋاقىتتا، ءبىر مەزگىلدە جۇيەنىڭ تەحنيكالىق نەگىزىن – ەو تۇرعىندارىن ۆاكتسينالاۋدىڭ ارنايى پورتالىن جاسادىق. ول 1 ماۋسىمنان باستاپ كۇشىنە ەنەدى»، – دەدى.

بۇگىنگە دەيىن ءCOVىD-قۇجاتتى وداقتىڭ 7 مەملەكەتى بەرە باستاعان. تولقۇجات تسيفرلىق تۇردە نەمەسە قاعاز جۇزىندە بەرىلەدى. قازىرگە دەيىن 1 ميلليوننان استام ادام ۆاكتسينا سالدىرعانى جايلى تسيفرلىق قۇجات العان. ەۋروكوميسسيا وزگە ەلدەرمەن ەلەكتروندىق جۇيەنىڭ ەۋروپالىق تسيفرلىق سەرتيفيكاتتارمەن سايكەستىگىن بەلگىلەۋ ءۇشىن كەلىسسوز جۇرگىزىپ جاتىر. تەستتەر ەۋرووداق ازاماتتارىنىڭ شەكارانى كەدەرگىسىز كەسىپ ءوتۋى ءۇشىن قاجەت. وسى ماقساتتا ەو تاعى 100 ملن ەۋرو بولمەك.

جاپپاي ۆاكتسيناتسيالاۋ باستالعان ەۋرووداق ەلدەرى «COVID-تولقۇجات» ەنگىزۋ ماسەلەسىن بىرنەشە اي بۇرىن تالقىعا العان. ۆاكتسينا قابىلدادى دەگەن قۇجاتتى ەنگىزۋگە دۇنيەجۇزىلىك دەنساۋلىق ساقتاۋ ۇيىمى قارسىلىق بىلدىرگەنمەن، ەۋرووداق ەلدەرى تولقۇجات قاجەت دەيدى.

"The Qazaq Times"