فوتو: https://img.kapital.kz

اقش كونگرەسى وكىلدەر پالاتاسىنىڭ وكىلدەرى مەملەكەتتىك حاتشى ەنتوني بلينكەنگە رەسەيلىك «سولتۇستىك اعىن-2» جوباسىنا سانكتسيا ەنگىزۋدى ۇسىندى. زاڭ شىعارۋشىلاردىڭ ۇسىنىس حاتىن كوميتەتتىڭ ءباسپاسوز قىزمەتى جاريالادى.

كونگرەسسمەندەر ءوز حاتىندا اقش پرەزيدەنتى دجو بايدەننىڭ اكىمشىلىگى رەسەيگە ەنگىزىلگەن سانكتسيالىق تىزىمگە اتالعان جوبانى دا قوسۋدى سۇراعان. وتكەن اپتادا مەملەكەتتىك دەپارتامەنتتىڭ ءباسپاسوز قىزمەتىنىڭ باسشىسى نەد پرايس گاز قۇبىرىن شەكتەۋگە قاتىستى كەلەسى ەسەپ مامىردا اقش كونگرەسىنە ۇسىنىلۋى كەرەكتىگىن ەسكەرتتى. حاتتا رەسپۋبليكاشىلار سىرتقى ساياسات ۆەدومستۆوسى جوبا بويىنشا جۇمىس ىستەپ جاتقاندىعىنا بايلانىستى سانكتسيالار ەنگىزىلۋى مۇمكىن كومپانيالاردىڭ ءتىزىمىن ەرتەرەك بەرۋدى تالاپ ەتكەن.

«سولتۇستىك اعىن-2» جوباسى بالتىق تەڭىزى ارقىلى گەرمانياعا جالپى قۋاتى 55 ملرد تەكشە مەتر بولاتىن گاز قۇبىرىنىڭ ەكى جەلىسىن سالۋدى كوزدەيدى. 2019 جىلدىڭ جەلتوقسانىندا شۆەيتساريانىڭ Allseas كومپانياسى اقش-تىڭ سانكتسياسىنا بايلانىستى قۇبىر جۇمىسى توقتاتىلدى. بىراق 2020 جىلدىڭ جەلتوقسانىندا Nord Stream جوبانى قايتادان باستادى.

3 ناۋرىزدا اقش ناۆالنىي ىسىنە بايلانىستى رەسەيگە قارسى سانكتسيا ەنگىزىپ، ەكونوميكا، قورعانىس سالاسىندا كومەك كورسەتۋ باعدارلامالارىن توقتاتتى. سانكتسيا 1991 جىلى قابىلدانعان «حيميالىق جانە بيولوگيالىق قارۋدى باقىلاۋ جانە ونى قولدانۋعا تىيىم سالۋ تۋرالى» زاڭ اياسىندا جۇزەگە اسىپ وتىر. سانكتسيادان كەيىن رەسەيگە شەتەلدىك اسكەري قارجىلاندىرۋدى كوزدەيتىن اقش-تىڭ بارلىق باعدارلامسى كۇشىن جويدى. ۆاشينگتون، سونىمەن بىرگە، ماسكەۋگە اقش ۇكىمەتىنىڭ مينيسترلىكتەرى مەن باسقارمالارى، ونىڭ ىشىندە ەكسپورت-يمپورت بانكى ارقىلى نەسيە نەمەسە باسقا قارجىلىق كومەك بەرۋدەن دە باس تارتادى. امەريكادان رەسەيگە «ۇلتتىق قاۋىپسىزدىك ءۇشىن ماڭىزدى تاۋارلار مەن تەحنولوگيالاردى ەكسپورتتاۋعا» دا شەكتەۋلەر ەنگىزىلۋدە.

"The Qazaq Times"