تۇتىنۋشىلارى كەرەك-جاراعىن تەك الىپ كەتۋگە بولاتىن رەجيمدە جۇمىس ىستەپ تۇرعان قوعامدىق تاماقتانۋ ورنى. فوتو: الەكساندر كرياجەۆ / ريا نوۆوستي

بىلتىر كوروناۆيرۋس پاندەمياسى ەل ەكونوميكاسىنا اۋىر سوققى بولدى. كورپوراتيۆتىك سەكتور مەن شاعىن-ورتا بيزنەس سالاسى ەڭ كوپ شىعىنعا ۇشىرادى. سالدارىنان ەكونوميكا بەلسەندىلىگى السىرەدى. شاعىن كاسىپكەرلەر جۇمىسىن توقتاتۋعا ءماجبۇر بولدى. Finprom.kz سايتىنىڭ زەرتتەۋىنە قاراعاندا، كەيىنگى جارتى جىلدا بەلسەندى سانالاتىن 5 مىڭ شاعىن بيزنەس وكىلدەرى جابىلىپ قالعان.

2021 جىلعى قاڭتاردا ىسكەرلىك بەلسەندىلىك يندەكسى 48,4 پۋنكتكە دەيىن تومەندەگەن. يندەكس جىل بويى تەرىس ءماندى كورسەتىپ تۇر. كاسىپپەن اينالىسۋدىڭ شارتتارى دا ناشارلادى – كورسەتكىش -1,9-دان -2,6-عا قۇلدىراعان.

داعدارىس تۋدىرعان بىرقاتار ماسەلەلەردىڭ سەبەبىنەن، اتاپ ايتقاندا قارجى اينالىمىنىڭ ىركىلۋىنەن جانە ءتيىمدى نەسيەلەندىرۋدىڭ  جەتىسپەۋىنەن شاعىن كاسىپكەرلەر قىزمەتىن توقتاتتى. جۇمىس ىستەپ تۇرعان شاعىن بيزنەستىڭ ەڭ كوپ كەزى بىلتىرعى شىلدە ايىندا بايقالعان. 164,3 مىڭ كاسىپكەر. ال بيىل قاڭتاردا 159,7 مىڭعا دەيىن، ياعني  2,8%-عا كەمىگەن.

جۇمىس ىستەپ تۇرعان مىڭداعان كاسىپكەردىڭ نارىقتان كەتكەنىمەن قويماي، سونىمەن قوسا بەلسەندىلىگى السىرەپ، ۋاقىتشا ءىسى توقتاپ تۇرعان كاسىپورىنداردىڭ قاتارى ارتقان. ءبىر جىلدا ولاردىڭ سانى 120,5 مىڭعا دەيىن، ياعني 23,3%-عا وسكەن.

"The Qazaq Times"