پاندەميا سالدارى: Google 1 جىل قاشىقتان جۇمىس ىستەيدى

Google كومپانياسىنىڭ قىزمەتكەرلەرى 2021 جىلدىڭ شىلدەسىنە دەيىن قاشىقتان جۇمىس ىستەيدى. بۇل تۋرالى ەرا اگەنتتىگى حابارلادى.

كومپانيا باسشىسى جۋىردا وسىنداي شەشىم قابىلدادى. مالىمەتتەر بويىنشا، Google-ءدىڭ اقش، ۇلىبريتانيا، ءۇندىستان مەن برازيلياداعى كەڭسەلەرىندەگى شامامەن 200 مىڭعا جۋىق قىزمەتكەرى ۇيلەرىندە وتىرىپ جۇمىسىن جالعاستىرادى. ەپيدەميولوگيالىق احۋال تۇراقتالعان اۆستراليا مەن گرەكياداعى كەڭسەلەر بىرتىندەپ اشىلا باستادى.

Global Workplace Analytics كومپانياسىنىڭ ساراپشىسى كەيت ليستەردىڭ ايتۋىنشا، كوروناۆيرۋستىڭ تارالۋىنا بايلانىستى قاشىقتان جۇمىس ىستەۋگە كوشۋ بىرقاتار كومپانيالاردىڭ جۇمىس پرينتسيپتەرىن تۇبەگەيلى وزگەرتەدى. قاشىقتان جۇمىس ىستەۋگە كوشكەن ەڭ ءىرى IT كومپانيالارى قاتارىندا Facebook, Amazon, Alibaba, Twitter, Slack جانە Microsoft بار.

Superjob ۇسىنعان دەرەكتەرگە سۇيەنسەك، اقپاندا ونلاين جۇمىس ىستەۋ فۋنكتسياسىنا قىزىعۋشىلىق تانىتقاندار سانى ورتا ەسەپپەن 2,3 ەسەگە ارتقان. ال قاشىقتاعى جۇمىسقا دەگەن سۇرانىس 1,6 ەسە ءوستى. پاندەميا كەزىندە بۋحگالتەرلەر مەن باستاپ IT ماماندارى، ساتۋ مەنەدجەرلەرى مەن جۋرناليستەرگە دەيىن ونلاين قىزمەتكە كوشكەن.

"The Qazaq Times"