قىتاي بيلىگى دۇنيەجۇزىلىك دەنساۋلىق ساقتاۋ ۇيىمىنا ەلدەگى كوروناۆيرۋستىڭ العاشقى جاعدايلارى تۋرالى مالىمەتتەردى بەرۋدەن باس تارتتى. بۇل تۋرالى جۇمادا The Wall Street Journal حابارلادى.
اۆستراليالىق عالىم دومينيك دۋايەر گازەتكە 2019 جىلدىڭ جەلتوقسانىندا انىقتالعان 174 كەيستى بەيجىڭنىڭ جاسىرىن ۇستاپ وتىرعانىن ايتتى.باستاپقى دەرەكتەردى ۇسىنۋدان باس تارتۋ – ددسۇ تاراپىنان كۇماندى ارتتىرعان.
حالىقارالىق عالىمدار توبى بۇكىل الەمگە ورنى تولماس زيان كەلتىرگەن پاندەميانىڭ پايدا بولۋى مەن تارالۋىنىڭ كوزىن انىقتاۋ ءۇشىن ۋحانعا بارعان بولاتىن. ولار قالاداعى نەگىزگى نىسانداردى ارالاپ، جەرگىلىكتى عالىمدارمەن، العاشقى پاتسيەنتتەرمەن جانە ولاردىڭ ەمدەۋشى دارىگەرلەرىمەن اڭگىمەلەسكەن. الايدا، شەتەلدىك باسىلىمدار ددۇ زەرتتەۋ توبى ۆيرۋستىڭ ناقتى قايدان شىققانىن انىقتاي المادى دەيدى.
قىتاي بيلىگى دەنساۋلىق ساقتاۋ مينيسترلىگىنىڭ وكىلدەرىنە جان-جاقتى قولداۋ كورسەتەمىز دەپ سەندىرگەنمەن، كۇمان كوپ. سەبەبى بەيجىڭ 2,1 ميلليون ادامنىڭ ءومىرىن قيعان ۆيرۋستىڭ پايدا بولۋىن زەرتتەگىسى كەلگەن حالىقارالىق توپتىڭ ۇسىنىسىن نارازى كۇيدە قابىلداعان. حالىقارالىق عالىمدار توبىنا قويعان تالاپتارى ءۇشىن جانە ءتۇرلى بولجامدى العا تارتىپ، ايىپتان جالتارۋعا تىرىسقانى ءۇشىن دە قىتاي سىنعا ۇشىرادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟