Qıtay biligi Düniejüzilik densaulıq saqtau wyımına eldegi koronavirustıñ alğaşqı jağdayları turalı mälimetterdi beruden bas tarttı. Bwl turalı jwmada The Wall Street Journal habarladı.

Avstraliyalıq ğalım Dominik Duayer gazetke 2019 jıldıñ jeltoqsanında anıqtalğan 174 keysti Beyjiñniñ jasırın wstap otırğanın ayttı.Bastapqı derekterdi wsınudan bas tartu – DDSW tarapınan kümändi arttırğan.

Halıqaralıq ğalımdar tobı bükil älemge ornı tolmas ziyan keltirgen pandemiyanıñ payda boluı men taraluınıñ közin anıqtau üşin Uhan'ğa barğan bolatın. Olar qaladağı negizgi nısandardı aralap, jergilikti ğalımdarmen, alğaşqı pacienttermen jäne olardıñ emdeuşi därigerlerimen äñgimelesken. Alayda, şeteldik basılımdar DDW zertteu tobı virustıñ naqtı qaydan şıqqanın anıqtay almadı deydi.

Qıtay biligi Densaulıq saqtau ministrliginiñ ökilderine jan-jaqtı qoldau körsetemiz dep sendirgenmen, kümän köp. Sebebi Beyjiñ 2,1 million adamnıñ ömirin qiğan virustıñ payda boluın zerttegisi kelgen halıqaralıq toptıñ wsınısın narazı küyde qabıldağan. Halıqaralıq ğalımdar tobına qoyğan talaptarı üşin jäne türli boljamdı alğa tartıp, ayıptan jaltaruğa tırısqanı üşin de Qıtay sınğa wşıradı.

"The Qazaq Times"