ۇلىبريتانيانىڭ قورعانىس ءمينيسترى بەن ۋوللەس كەيبىر ەلدەردىڭ حالىقارالىق نورمالاردى ەلەمەۋى الەمدە حيميالىق جانە بيولوگيالىق شابۋىلداردىڭ قاۋپىن ارتتىرادى دەپ سانايدى.
The Times گازەتىنە سۇحبات بەرگەن ساياساتكەر: «جاھاندىق دەڭگەيدە حيميالىق جانە بيولوگيالىق شابۋىل قاۋپى ۋاقىت وتكەن سايىن ارتىپ كەلەدى. حيميالىق قارۋق قولداناتىن ەلدەر سانى دا ارتتى»، – دەيدى.
ونىڭ ايتۋىنشا، تەرروريستىك توپتار مەن حيميالىق قارۋ-جاراق ءوندىرىپ، ادامزاتقا نۇقسان كەلتىرۋدى كوزدەيتىن مەملەكەتتەر ءۇشىن عالامتوردىڭ كومەگى دە جوعارى. سونداي-اق، بيوينجەنەريا مەن سينتەتيكالىق بيولوگيادان تونەتىن قاۋىپ-قاتەر دە جوعارى.
2018 جىلى 4 ناۋرىزدا رەسەي فەدەراتسياسى بارلاۋ قىزمەتىنىڭ بۇرىنعى قىزمەتكەرى سەرگەي سكريپال مەن قىزى يۋليا سكريپال «نوۆيچوك» جۇيكە-سال اۋرۋىن تۋدىرۋشى زاتتەگى ارقىلى ۋلانعان بولاتىن. اسا قاۋىپتى حيميالىق قارۋدىڭ رەسەيدە جاسالىنعانى انىقتالىپ، اقش پەن ۇلىبريتانيا بۇل ىستە تىكەلەي رەسەيدى ايىپتادى.
2019 جىلى حيميالىق قارۋعا تىيىم سالۋ جونىندەگى ۇيىم (Organisation for the Prohibition of Chemical Weapons - OPCW) حيميالىق شابۋىل مەن ولارعا قاتىسى بار ادامداردى انىقتايتىن ارنايى كوماندا قۇرعان. اتالعان ۇيىمنىڭ قۇرىلۋىنا 126 دەلەگاتتىڭ 99-ى قولداپ، داۋىس بەرگەن. قارسى داۋىس بەرگەندەر اراسىندا رەسەي، قىتاي، ۆەنەسۋەلا مەن يران بولدى.
حالىقارالىق حيميالىق قارۋعا تىيىم سالۋ جونىندەگى ۇيىم 1997 جىلى قۇرىلعان. 2013 جىلى ۇيىم نوبەل سىيلىعىمەن ماراپاتتالعان. شتاب پاتەرى گااگا قالاسىندا (نيدەرلاندى) ورنالاسقان ۇيىمنىڭ باستى ماقساتى – حيميالىق قارۋدى قولدانۋعا تىيىم سالۋ، ونىڭ قورىن جويۋ مەن حيميالىق قارۋدان ساقتانۋ ماقساتىندا الەم ەلدەرىنە كومەك بەرۋ.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى