رەسەي مەن ۋكراينانىڭ اسكەرلەرى دونباسس ايماعىنا توپتالىپ جاتىر، الداعى ۋاقىتتا ايماق قاقتىعىستىڭ نەگىزگى ورتالىعىنا اينالعالى تۇر. وسى تۇستا رەسەي پرەزيدەنتى ۆلاديمير پۋتين سيرەك مالىمدەمەلەرىنىڭ ءبىرىن جاساپ، ءوزىنىڭ تۋرا شەشىم قابىلداعانىن جانە كوزدەگەن ماقساتقا جەتۋگە جاقىن ەكەنىن ايتتى.

«بۇل كۇندە ۋكرايناداعى دونباستا ارنايى وپەراتسياعا قاتىسىپ جاتقان ءبىزدىڭ وفيتسەرلەر دونباس حالىق رەسپۋليكاسىنا كومەك بەرىپ، باتىرعا ءتان ارەكەت ەتىپ، زاماناۋي ەرەكشەلىكتەرگە يە تەحنيكانىڭ ەڭ جاڭا تۇرلەرىن قولدانىپ جاتقانىن بىلەمىز»، – دەگەن پۋتين سوزىندە. ول بۇعان قوسا رەسەيدىڭ ۋكرايناداعى اسكەري مۇددەسى دۇرىس ەكەنىن، ءارى ونىڭ جۇزەگە اسارىنا تولىقتاي سەنەتىنىن جەتكىزگەن.

رەسەي پرەزيدەنتىنىڭ سوزىنشە، ەڭ نەگىزگى ماقساتتارى «دونباسس ەلىنە كومەك بەرۋ»، وسى ماقسات بويىنشا اقپان ايىندا ۋكرايناعا اسكەر كىرگىزبەۋگە امالسىز قالعان ەكەن. ول جانە بۇل شەشىمىنىڭ دۇرىس بولعانىن قايتالاپ وتكەن.

ءپۋتيننىڭ مالىمدەمەسى قارساڭىندا رەسەي كۇشتەرى قورشاۋعا العان ماريۋپول قالاسىندا حيميالىق قارۋ قولداندى دەگەن ءالى دە انىقتالماعان اقپارات تارادى. قازىرگى تاڭدا ماريۋپول قالاسىن «ازوۆ» پولكى رەسەيدىڭ قارۋلى كۇشتەرىنە پارمەندى سوققى بەرىپ جاتىر. حيميالىق شابۋىل جاسادى دەگەن مالىمەتتى دە وسى «ازوۆ» پولكى العاش بولىپ مالىمدەدى.

اتالعان پولكتىڭ مالىمەتىنە ساي، ۇستىنەن رەسەيلىك درون ۇشىپ وتكەننەن كەيىن ۋكراينالىق ساربازداردىڭ باسى اينالىپ، تىنىس الۋى قيىنداعان. بۇل مالىمەتتەن كەيىن پەنتاگون جاعدايعا ءجىتى نازار اۋدارىپ وتىرعانىن مالىمدەدى. ال، بريتان بيلىگى بولسا حيميالىق شابۋىل جاسالعانى انىقتالسا رەسەيدى جاۋاپقا تارتانىنىن جەتكىزدى.

رەسمي ماسكەۋ بۇل تۋرالى اشىق مالىمدەمە جاسامادى. ۋكراينا پرەزيدەنتى زەلەنسكي بولسا باتىس ەلدەرىنە قاراتا مالىمدەمە جاساپ، بارلىق شارالاردى قولدانا وتىرىپ رەسەيدىڭ جاپپاي قىرىپ-جويۋشى قارۋلاردى قولدانۋىنا شەكتەۋ قويۋدى سۇرادى.

The Qazaq Times