دجو بايدەن دونالد ترامپتىڭ كوشى-قون سالاسىنداعى جارلىقتارىنىڭ كۇشىن جويىپ، بوسقىنداردى قابىلداۋ كۆوتاسىن ارتتىرا باستادى. بيىل اقش 125 مىڭعا دەيىن ميگرانتتى ەلگە كىرگىزبەك.
بۇعان دەيىن بايدەن اقش-قا بالا كەزىندە كەلگەن زاڭسىز كەلىمسەكتەردى الداعى 3 اي بويى ەلدەرىنە دەپارتاتسيالاماۋ تۋرالى قاۋلىعا قول قويعان. بىراق تەحاس سوتى جاڭا پرەزيدەنتتىڭ بۇل شەشىمىن ەكى اپتاعا بۇعاتتاپ تاستادى. تەحاستىڭ باس پروكۋرورى كەن پاكستوننىڭ ايتۋىنشا، جاڭا زاڭ شتات ەكونوميكاسىنا وراسان زور شىعىن اكەلەدى. بايدەن اكىمشىلىگى تەحاس سوتىنا قارسى شاعىم تۇسىرەتىنىن ايتقان.
2016 جىلى دونالد ترامپ بيلىككە كەلگەندە، زاڭسىز ميگراتسياعا توسقاۋىل بولۋ ماقساتىندا كوشى-قون ساياساتىن قاتاڭداتقان ەدى. ماسەلەن، سول جىلى اقش جىلىنا 85 مىڭعا دەيىن بوسقىندى قابىلداي الاتىن بولسا، ترامپ بۇل كورسەتكىشتى 15 مىڭعا دەيىن شەكتەگەن.
زاڭسىز ميگراتسيامەن كۇرەس، اقش-تىڭ وڭتۇستىك شەكاراسىندا دۋال تۇرعىزۋ – ترامپتىڭ سايلاۋالدى كامپانياسى كەزىندە بەرگەن ۋادەلەرى. كونگرەسس پرەزيدەنتتىڭ بۇل باستامالارىن قارجىلاندىرۋدان باس تارتقان. مۇنان سوڭ ترامپ مەكسيكامەن شەكارادا توتەنشە جاعداي جاريالاپ، قارجىنى پەنتاگون مەن باسقا دا ۆەدومستۆولاردان الدى.
ورتالىق امەريكا ەلدەرىنىڭ تۇرعىندارى ميگراتسيالىق ساياساتتىڭ قاتاڭداعانىنا قاراماستان، ەلدەرىندەگى كەدەيلىكتەن امەريكادا امالسىز باس ساۋعالاۋعا ءماجبۇر.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى