كرەمل سىنشىسى الەكسەي ناۆالنىي ماسكەۋ قالالىق سوتىنا جەتكىزىلدى. سوتتا «يۆ روشە» ءىسى بويىنشا وپپوزيتسيونەردىڭ شارتتى جازاسىن تۇرمەگە الماستىرۋ تۋرالى قىلمىستىق جازانى اتقارۋ فەدەرالدىق قىزمەتىنىڭ ءوتىنىشىن قاراستىرىپ جاتىر.
سوت باستالماي تۇرىپ، تاڭعى 8-دەن باستاپ بىرنەشە كوشەلەر جابىلعان. اۆتوزاكتار قويىلعان. 10-دا پرەوبراجەنسكايا مەترو ستانتسياسىندا ادامدار ۇستالعان. «ءىىو-ينفو» مالىمەتىنشە، ارنايى جاساق 90-نان استام ادامدى ۇستاپ اكەتكەن.
20 تامىز تومسك قالاسىنان ماسكەۋگە بەت العان وپپوزيتسيونەر ساياساتكەر الەكسەي ناۆالنىي بورتتا جاعدايى ناشارلاپ، ۇشاق دەرەۋ ومبى قالاسىنا قونۋعا تۋرا كەلگەن. كەيىن جەدەل جاردەممەن وپپوزيتسيونەردى ومبىداعى اۋرۋحاناعا جەتكىزگەن. كەيىن گەرمانيا ناۆالنىيدى بەرليندەگى اۋرۋحاناعا اكەتۋ ءۇشىن ارنايى ساناۆياتسيا جىبەرگەن. باسىندا ومبى دارىگەرلەرى ناۆالنىيدى ورنىنان قوزعاۋعا بولمايدى دەپ ونى گەرمانياعا جىبەرۋدەن باس تارتقان. كەيىن ومبىلىق دارىلەرلەر ناۆالنىيدى اۋرۋحانادان اكەتۋگە رۇقسات بەرىپ، ناۆالنىي 22 تامىزدا بەرلينگە جەتكىزىلگەن.
11 قاڭتاردا فەدەرالدى جازانى ورىنداۋ قىزمەتى (FSIN) سيمونوۆسكي سوتىنا ناۆالنىيعا شارتتى مەرزىمدى ناقتى مەرزىمگە اۋىستىرۋ تۋرالى ۇسىنىسىنان كەيىن ساياساتكەردىڭ قىلمىستىق-اتقارۋ ينسپەكتسياسىن باقىلاۋدان جالتارعانى ايتىلدى.
2014 جىلى الەكسەي ناۆالنىي مەن ونىڭ اعاسى ولەگ «يۆ روشە» ىسىندە الاياقتىق پەن قارجى جىمقىرۋ ءۇشىن كىنالى دەپ تانىلدى. ولەگ ناۆالنىي ءۇش جارىم جىلعا جالپى رەجيمدەگى كولونياعا، الەكسەي ءۇش جارىم جىلعا شارتتى تۇردە سوتتالدى. ونىڭ سىناق مەرزىمى بىلتىر 30 جەلتوقساندا اياقتالدى.
17 قاڭتاردا ناۆالنىي بەرليننەن ورالعاننان كەيىن بىردەن شەرەمەتەۆو اۋەجايىندا ۇستالدى. ونى حيمكي پوليتسيا بولىمىنە الىپ كەتتى جانە كەلەسى كۇنى سوت وتىرىسى ءوتتى. سوت وپپوزيتسيونەردىڭ قامالۋ مەرزىمىن 30 كۇنگە ۇزارتىپ، «ماتروسسكايا تيشينا» تەرگەۋ يزولياتورىنا جىبەردى.
23 جانە 31 قاڭتاردا رەسەيدىڭ كوپتەگەن قالالارىندا ناۆالنىيدى قولداۋ ماقساتىندا نارازىلىق اكتسيالارى ءوتتى. «ءىىو-ينفو» ەسەبى بويىنشا ءبىرىنشى اكتسيادا 4 مىڭنان استام، ال ەكىنشى اكتسيادا 5,5 مىڭنان استام ادام ۇستالعان. پوليتسيا نارازىلاردى كۇشپەن تاراتىپ، سوققىعا جىقتى.
بۇعان دەيىن بىرقاتار حالىقارالىق ۇيىمدار مەن اقش كرەملدىڭ ناۆلالنىيعا قارسى ارەكەتىن قاتاڭ سىنعا العان. Amnesty International ۇيىمى مەن ەۋروكەڭەس وكىلدەرى دە رەسەي بيلىگىن قاتاڭ ايىپتاپ وتىر. «الەكسەي ناۆالنىي ساياسي بەلسەندىلىككە دەگەن قۇقىعىنان جانە ءسوز ەركىندىگى قۇقىعىنان ايىرىلدى. Amnesty International ونى ار-ۇجدان تۇتقىنى دەپ قاراستىرادى جانە ونى ەشقانداي شارتسىز دەرەۋ بوساتۋدى تالاپ ەتەدى» دەلىنگەن ۇيىمنىڭ ءباسپاسوز حابارلاماسىندا.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟