جاپونيادا كوروناۆيرۋستىڭ بريتانيالىق شتامىن جۇقتىرۋدىڭ جاڭا دەرەگى تىركەلدى.

ۆيرۋستى سايتاما مەن توكيو قالاسىندا تۇراتىن 40 پەن 60 جاس ارالىعىنداعى 5 ادام جۇقتىرىپ العان. ناۋقاستاردىڭ بارلىعى انىقتالا سالىسىمەن اۋرۋحاناعا جەتكىزىلگەن. كۇنشىعىس ەلىندە بريتانيالىق شتامم العاش رەت وتكەن جىلدىڭ جەلتوقسان ايىندا تىركەلگەن بولاتىن. قازىر جاپونيادا بريتانيالىق شتامدى جۇقتىرعاندار سانى 64-كە جەتكەن.

جەلتوقساننىڭ اياعىندا ۇلىبريتانيادا شىققان كوروناۆيرۋستىڭ وزگەرگەن جاڭا ءتۇرى نيدەرلاند، دانيا جانە اۆستراليادا دا تىركەلدى.

مالىمەتتەر بويىنشا، ۆيرۋستىڭ جاڭا شتامى ادامدار اراسىندا 70%-عا تەز تارايدى. بىراق قاۋىپتىلىگى جاعىنان بۇرىنعى تۇرىنەن ەرەكشەلەنبەيدى. ۆيرۋستىڭ باسقا مۋتاتسياسىنىڭ تابىلعانىن وڭتۇستىك افريكا رەسپۋبليكاسىنىڭ دەنساۋلىق ساقتاۋ مينيسترلىگى دە حابارلادى. ونىڭ دا تارالۋ قارقىنى جوعارى.

20 جەلتوقساندا ۇلىبريتانيا انگليانىڭ وڭتۇستىك-باتىسى مەن لوندوندا ءتورتىنشى دەڭگەيلى لوكداۋن ەنگىزگەن. قاتاڭداتىلعان كارانتين كەزىندە روجدەستۆو مەرەكەسىنە بايلانىستى قوعامدىق ءىس-شارالارعا رۇقسات جوق. مەيرامحانالار مەن ءدامحانالار اشىلمايدى. تۇرعىندارعا ۇيدەن سەبەپسىز شىعۋعا تىيىم سالىنعان.

"The Qazaq Times"