امەريكانىڭ ەكس-پرەزيدەنتى دونالد ترامپ فلوريدادا ءوز كەڭسەسىن اشتى. اۆس سايتىنىڭ حابارلاۋىنشا، ترامپ ساياسي قىزمەتىن جالعاستىرادى.
ەندى ونىڭ اكىمشىلىگى ترامپقا بۇرىنعى پرەزيدەنت رەتىندە ءوز مىندەتتەرىن اتقارۋعا، رەسمي ءىس-شارالاردى جۇرگىزۋگە كومەكتەسەدى. اق ءۇيدىڭ بۇرىنعى باسشىسى قوشتاسۋ سوزىندە ساياسي قىزمەتىن جالعاستىراتىنىن ەسكەرتكەن بولاتىن. بىراق اقش كونگرەسىنىڭ وكىلدەرى پالاتاسى، يمپيچمەنت بويىنشا داۋىس بەرىپ، ءتيىستى قۇجاتتى سەناتقا جىبەردى. سەنات كونگرەسمەندەرى ونى كەلەسى ايدا قاراۋى ءتيىس.
ترامپ 6 قاڭتاردا كاپيتوليگە جاسالعان شابۋىل كەزىندە جاقتاستارىن بۇلىككە ارانداتتى دەپ ايىپتالىپ وتىر. 13 قاڭتاردا دەموكراتتار باسىم كوپشىلىك بولىپ وتىرعان وكىلدەر پالاتاسى ترامپقا يمپيچمەنت جاريالاۋعا داۋىس بەرگەن. ەكس-پرەيدەنتكە يمپيچمەنت جاريالاۋ ءۇشىن كەمىندە 17 رەسپۋبليكاشىل سەناتور دەموكراتتاردى قولداۋى كەرەك. ساراپشىلار بۇلاي بولۋى ەكىتالاي دەيدى.
سەنات قاراۋىنداعى قۇجات ماقۇلدانسا، 8 اقپاندا سوت پروتسەسىن باستالماق. سوت القاسى مۇشەلەرىنىڭ ءرولىن 100 سەناتور اتقارادى. دەموكراتتار رەسپۋبليكاشىلداردى ترامپقا يمپيچمەنت جاريالاۋعا كوندىرۋگە كۇش سالماق. بۇدان سوڭ بۇرىنعى پرەزيدەنتتى قىزمەتىنەن شەتتەتۋ ماسەلەسى داۋىسقا سالىنادى.
ەگەر سەنات يمپيچمەنت جاريالاۋ تۋرالى ۇكىم شىعارسا، ترامپ پرەزيدەنتتىككە ءوز كانديداتۋراسىن ۇسىنىپ، مەملەكەتتىك قىزمەت اتقارا المايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟