اقش Cەناتى بۇرىنعى پرەزيدەنت دونالد ترامپ يمپيچمەنتىن قولدامادى. بۇل ءىس بويىنشا 43 سەناتور يمپيچمەنتتى قولداپ داۋىس بەرسە، 57-ءسى قارسى شىقتى. وسىلايشا، دونالد ترامپ الداعى سايلاۋلارعا قاتىسىپ، مەملەكەتتىك قىزمەتتە جۇمىس ىستەۋ قۇقىعىن ساقتاپ قالدى

امەريكادا يمپيچمەنت جاريالاۋ ءتارتىبى بويىنشا، ءىس الدىمەن كونگرەستىڭ وكىلدەر پالاتاسىندا قارالادى. ەگەر بۇل پالاتا كوپشىلىك داۋىسپەن پرەزيدەنتكە يمپيچمەن جاريالاسا، ءىس جوعارعى پالاتا سانالاتىن سەناتقا وتەدى.

بۇرىنعى پرەزيدەنتكە ايىپتاۋدى وكىلدەر پالاتاسىنىڭ سپيكەرى نەنسي پەلوسي تاڭداعان كونگرەسستىڭ توعىز دەموكراتى ۇسىنعان. 25 قاڭتاردا ولار سەناتقا ايىپتاۋ قۇجاتىن رەسمي تۇردە تاپسىرعان. سەنات ترامپتى اقتاپ شىقققاننان كەيىن سپيكەر نەنسي پەلوسي: «ءبىز بۇگىن سەنات قابىرعاسىندا ءبىر توپ رەسپۋبليكاشىلدىڭ باتىل ارەكەت ەتە الماعانىن كوردىك. ولار وزدەرىنىڭ جۇمىسى مەن قىزمەت ەتىپ جۇرگەن ينستيتۋتىن قورعاۋدان قورىقتى»، – دەپ مالىمدەدى.

دونالد ترامپقا تاعىلعان ايىپ 6 قاڭتار كۇنگى كاپيتوليدەگى وقيعاعا بايلانىستى تاعىلعان. زاڭ شىعارۋشىلاردىڭ پىكىرىنشە، ترامپ سايلاۋ ناتيجەلەرىن مويىنداماعانى ءۇشىن جانە كاپيتوليدەگى بۇلىك ءۇشىن جاۋاپقا تارتىلۋى ءتيىس.

"The Qazaq Times"