ترامپقا تيەسىلى قوناق ءۇي جارىلدى

اقش-تا كازينو مەن قوناق ءۇي ورنالاسقان اتلانتيك-سيتيدەگى 39 قاباتتى Trump Plaza عيماراتى جارىلدى.

اljazeera سايتىنداعى مالىمەتتەر بويىنشا، دونالد ترامپقا تيەسىلى عيمارات وزدىگىنەن قۇلاي باستاعاندىقتان، اتلانتيك-سيتي مەرى مارتي سمولل ءوزىنىڭ اكىمشىلىگىنە قوناق ءۇيدى ءسۇرۋ تۋرالى تاپسىرما بەرگەن.

عيماراتتاعى كازينو اتلانتيك-سيتيدە 1984 جىلى اشىلعان. سول جىلدان باستاپ عيماراتتا بىرنەشە رەت بوكس جەكپە-جەگى ءوتتى. 2014 جىلى ويىن مەكەمەسى جابىلىپ، عيماراتتى بۇزۋ تۋرالى شەشىم قابىلداندى. سالدارىنان مىڭداعان ادام جۇمىسسىز قالعان. كازينو جۇمىسىن توقتاتقاننان كەيىن 2016 جىلى مەنشىك Trump Entertainment Resorts-تان Icahn Enterprises-كە ءوتتى.

وتكەن جىلدىڭ سوڭىندا «The Guardian» گازەتى Trump Plaza-نى ءسۇرۋ قۇقىعى كومپانيالار ءۇشىن قايىرىمدىلىق اۋكتسيونىندا ساتىلاتىنىن جازدى. باسىلىمنىڭ مالىمەتىنشە، ترامپ 2009 جىلى اتلانت-سيتي اكىمشىلىگىمەن بايلانىستاردى ۇزگەن. وسىدان كەيىن ول ءوز اتىن پايدالانعانى ءۇشىن قالاداعى ءۇش كازينو كىرىستەرىنىڭ تەك 10%-ىن العان.

"The Qazaq Times"