فوتو: ria.ru

اقش كونگرەسس سەناتىنداعى رەسپۋبليكاشىلدار ەكس-پرەزيدەنت دونالد ترامپقا قاتىستى يمپيچپەنت پروتسەسىن 13 اقپانعا قالدىرۋدى ۇسىندى. ءتيىستى مالىمدەمە زاڭ شىعارۋشى سايتىندا جاريالاندى.

سەناتورلار كوشباسشىسى، رەسپۋبليكالىق پارتيا وكىلى ميتچ ماككوننەلل وكىلدەر پالاتاسىنىڭ ايىپتاۋشىلارى سەناتورلارعا يمپيچمەنت جاريالاۋ تۋرالى قۇجاتتار جىبەرۋدى ۇسىندى. وسىدان كەيىن ول بۇرىنعى پرەزيدەنتتىڭ ادۆوكاتتارىنا وسى ايىپتاۋلارعا جازباشا جاۋاپ بەرۋ ءۇشىن ەكى اپتا ۋاقىت (11 اقپانعا دەيىن) بەرۋ كەرەك دەپ سانايدى. پروتسەستىڭ ءوزى، ول ۇسىنعان كەستەگە سايكەس، 13 اقپاننان كەيىن باستالۋى كەرەك.

كونگرەسستىڭ وكىلدەر پالاتاسىنىڭ سپيكەرى نەنسي پەلوسي (كاليفورنيا شتاتىنىڭ دەموكراتى) بەيسەنبىدە وتكەن بريفينگتە تومەنگى زاڭ شىعارۋشى پالاتا يمپيچمەنت پروتسەسىن وسى اپتادا تالقىلايتىنىن ايتتى. CNN تەلاناسىنىڭ حابارلاۋنشا، وكىلدەر پالاتاسىنداعى دەموكراتتار 22 قاڭتاردا سەناتقا ايىپتاۋ قورىتىندىسىن بەرۋگە دايىندىق باستاعان.

بيىل ترامپقا ەكىنشى رەت يمپيچمەنت جاريالانىپ وتىر. اقش كونگرەسىنىڭ وكىلدەر پالاتاسى يمپيچمەنت جاريالاعاننان كەيىن قۇجات سەناتقا قاراۋىنا ءوتتى. دەگەنمەن، ساراپشىلار ترامپ «مەملەكەتكە قاۋىپ توندىرمەگەندىكتەن» ەكىنشى مارتە يمپيچمەنت ەنگىزۋدىڭ قاجەتى شامالى دەپ سانايدى.

امەريكا تاريحىندا العاش رەت ەل پرەزيدەنتىنە تاعىلعان ايىپتى ونىڭ مۇنشا كوپ پارتيالاسى قولداپ وتىر. مۇنىڭ الدىندا، 2019 جىلى ترامپقا جاريالانعان يمپيچمەنتتى رەسپۋبليكالىق پارتيانىڭ بىردە-ءبىر مۇشەسى جاقتاماعان. بۇعان دەيىن كونگرەستەگى پارتيالاستارىنىڭ ەڭ كوپ قارسىلىعىنا ۇشىراعان پرەزيدەنت بيلل كلينتون بولاتىن. 1998 جىلى وعان جالعان كۋالىك بەردى دەپ ايىپ تاعىلعاندا، دەموكراتيالىق پارتيادان سايلانعان 5 كونرگەسسمەن كلينتونعا قارسى داۋىس بەرگەن. كەيىن سولاردىڭ تورتەۋى رەسپۋبليكالىق پارتياعا اۋىسىپ كەتتى.

"The Qazaq Times"