بۇگىن سايلاۋعا قاتىساتىن پارتيالاردىڭ دەباتى ءوتتى. ءۇش راۋندتان تۇراتىن پىكىرسايىسقا بيۋدجەتتەن 47,9 ملن تەڭگە بولىنگەن. جەلى قولدانۋشىلارى دەباتتى «كونفەرەنتسياداعى بايانداما» ءتارىزدى دەيدى.

دەباتقا «ادال» ساياسي پارتياسىنان ەلدار جۇماعازيەۆ;

«اق جول» قازاقستاننىڭ دەموكراتيالىق پارتياسىنان – پارتيا توراعاسى ازات پەرۋاشەۆ;

«اۋىل» حالىقتىق – دەموكراتيالىق پاتريوتتىق پارتياسىنان – پارتيا توراعاسى ءالي بەكتاەۆ;

قازاقستان حالىق پارتياسىنان – پارتيا توراعاسى ايقىن قوڭىروۆ جانە «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك قاتىستى.

تاقىلانعان تاقىرىپ – «قازاقستاننىڭ ەكونوميكالىق دامۋى» جانە «ازاماتتاردىڭ ءال-اۋقاتى». ەفيردى تاماشالاعان كەي جەلى قولدانۋشىلارى دەباتتى «كونفەرەنتسياداعى بايانداما جانە ادەتتەگى ۋادە» دەيدى.

10 قاڭتارعا بەلگىلەنگەن ءماجىلىس جانە ءماسليحات سايلاۋىنا 5 پارتيا قاتىسادى: «نۇر وتان»، «اقجول»، «ادال»، «اۋىل» جانە «قازاقستان حالىق پارتياسى». ولاردىڭ اراسىندا وپپوزيتسيالىق پارتيا جوق. ساياسي وپپوزيتسيا وكىلدەرى پارلامەنتتە بىردە-ءبىر شىنايى وپپوزيتسيالىق ساياسي كۇش جوق دەپ سانايدى جانە شىنايى وپپوزيتسيالىق پارتيالاردىڭ رەسمي تىركەۋدەن وتە الماي وتىرعانىن ايتادى.

"The Qazaq Times"