4 پارتيا الماتى قالاسىنىڭ ءماسليحاتىنا ەندى

الماتى قالاسىنىڭ اۋماقتىق سايلاۋ كوميسسياسى قالالىق ءماسليحات دەپۋتاتتارىن سايلاۋ قورىتىندىسىن شىعارىپ، دەپۋتاتتىق مانداتتاردى ءبولدى.

قالا اكىمدىگىنىڭ ءباسپاسوز قىزمەتىنىڭ مالىمەتىنشە، اۋماقتىق سايلاۋ كوميسسياسىمەن بارلىعى 5 ساياسي پارتيادان 118 كانديدات تىركەلگەن.

الماتى قالاسى ءماسليحاتىنا سايلاۋدىڭ قورىتىندىسى مەن پارتيالىق تىزىمدەر بويىنشا سايلاۋشىلاردىڭ داۋىستارى بىلايشا ءبولىندى:

• «نۇر وتان» پارتياسى– 68,11%;
• قازاقستاننىڭ «اق جول» دەموكراتيالىق پارتياسى – 10,11%;
• «اۋىل» حالىقتىق-دەموكراتيالىق پاتريوتتىق پارتياسى– 7,68%;
• قازاقستاننىڭ حالىق پارتياسى 7,31% جانە «ادال» ساياسي پارتياسى – 6,79%.

«نۇر وتان» 29 دەپۋتاتتىق ماندات، «اق جول» – 4, «اۋىل» جانە «قازاقستان حالىق پارتياسىنا» 3 مانداتتان بەرىلدى.

10 قاڭتاردا قازاقستاندا پارلامەنت ءماجىلىسى مەن جەرگىلىكتى ءماسليحات سايلاۋى ءوتتى. سايلاۋعا «نۇر وتان»، «اقجول»، «ادال»، «اۋىل» جانە «قازاقستان حالىق پارتياسى» قاتىستى.

سايلاۋ قارساڭىندا قۇقىق قورعاۋشىلار جەر-جەردە بەلسەندىلەردىڭ ۇيىنە ءتىنتۋ جۇرگىزىلىپ، قۋدالاۋ كۇشەيگەنىن حابارلاعان. بۇعان دەيىن ەشبىر حالىقارالىق ۇيىم قازاقستانداعى سايلاۋلاردى ءادىل، اشىق ءوتتى دەپ باعالاعان جوق. 10 قاڭتاردا وتكەن دودانى دا ەقىۇ وكىلدەرى «قازاقستانداعى سايلاۋ شىنايى باسەكەسىز جانە دەموكراتيالىق تالاپتارعا قايشى ءوتتى» دەگەن باعا بەردى.

"The Qazaq Times"