Бүгін сайлауға қатысатын партиялардың дебаты өтті. Үш раундтан тұратын пікірсайысқа бюджеттен 47,9 млн теңге бөлінген. Желі қолданушылары дебатты «конференциядағы баяндама» тәрізді дейді.

Дебатқа «Адал» саяси партиясынан Эльдар Жұмағазиев;

«Ақ жол» Қазақстанның демократиялық партиясынан – партия төрағасы Азат Перуашев;

«Ауыл» халықтық – демократиялық патриоттық партиясынан – партия төрағасы Әли Бектаев;

Қазақстан Халық партиясынан – партия төрағасы Айқын Қоңыров және «Нұр Отан» партиясы төрағасының бірінші орынбасары Бауыржан Байбек қатысты.

Тақыланған тақырып – «Қазақстанның экономикалық дамуы» және «азаматтардың әл-ауқаты». Эфирді тамашалаған кей желі қолданушылары дебатты «конференциядағы баяндама және әдеттегі уәде» дейді.

10 қаңтарға белгіленген мәжіліс және мәслихат сайлауына 5 партия қатысады: «Нұр Отан», «Ақжол», «Адал», «Ауыл» және «Қазақстан халық партиясы». Олардың арасында оппозициялық партия жоқ. Саяси оппозиция өкілдері парламентте бірде-бір шынайы оппозициялық саяси күш жоқ деп санайды және шынайы оппозициялық партиялардың ресми тіркеуден өте алмай отырғанын айтады.

"The Qazaq Times"