ترامپ بيۋدجەت قۇجاتىن بەكىتتى

اقش پرەزيدەنتى دونالد ترامپ 2021 جىلدىڭ بيۋدجەتىن بەكىتىپ، پاندەمياعا بايلانىستى ەكونوميكانى ىنتالاندىرۋ شارالارىن قابىلدادى.

زاڭ جوباسىندا CoViD-19-بەن كۇرەسكە ەكونوميكالىق قولداۋ رەتىندە 900 ملرد دوللار ءبولۋ قاراستىرىلعان. ال ءاربىر امەريكالىققا 600 دوللاردان وتەماقى بەرىلمەك. بيۋدجەتتىڭ جالپى كولەمى 2,3 ترلن دوللارعا تەڭ.

بۇعان دەيىن ترامپ بيۋدجەت قۇجاتىنا ۆەتو قويعان. پرەزيدەنت 1996 جىلعى «بايلانىس ەتيكاسى تۋرالى» زاڭنىڭ 230-ءبولىمىن جويۋدى دا تالاپ ەتىپ وتىر. ترامپتىڭ ايتۋىشا، «230-ءبولىم جەلىدە شەتەلدىك جالعان اقپاراتتىڭ تارالۋىنا ىقپال ەتەدى. ال بۇل ۇلتتىق قاۋىپسىزدىك پەن سايلاۋدىڭ ادالدىعىنا ۇلكەن قاۋىپ توندىرەدى».

قۇجاتتىڭ بۇعاتتالۋىنا تاعى ءبىر سەبەپ – ازاماتتىق سوعىس كەزەڭىندەگى (1861-1865) كونفەدەراتيۆتى شتاتتارداعى ارداگەرلەردىڭ ەسىمىن اسكەري نىساندارعا بەرۋ جانە وڭتۇستىكتەگى قۇلدىق تۋرالى دەرەكتەردى جويۋ. وسى ەكى تارماققا بايلانىستى ترامپ: «ساياسي ارەكەتتەر ارقىلى تاريحتى جوققا شىعارۋعا جول بەرمەيمىن»، – دەگەن.

"The Qazaq Times"