فرانتسياداعى «سارى جيلەت» قوزعالىسىنا ءبىر جول تولدى. ءدال وسى ايدا باستالعان اكتسيا بيىل قايتا جانداندى. بۇل جولى ەرەۋىلگە شىققاندار قازىرگى ۇكىمەت وكىلدەرىن، ونىڭ ىشىندە پرەزيدەنت ەممانۋەل ماكروندى وتستاۆكاعا كەتۋىن تالاپ ەتكەن. فرانتسيانىڭ ىشكى ىستەر ءمينيسترى كريستوف كاستانەر CNews-كە بەرگەن سۇحباتىندا ءتارتىپ ساقشىلارى سەنبىدە فرانتسيانىڭ كوپتەگەن قالالارىندا وتكىزىلگەن «سارى جيلەت» قوزعالىسىنىڭ 264 قاتىسۋشىسىن ۇستاعانىن حابارلادى.

نارازى توپتىڭ نەگىزگى ورىندارى لەس التەستىڭ ورتالىق كۆارتالىنداعى باستيل الاڭى جانە دجواكۋيم ديۋ بەللە الاڭى بولدى. سونىمەن قاتار، قوزعالىس جاقتاۋشىلارى ءپاريجدىڭ ورتالىق «گالەرەيا لافايەتت» دۇكەنى ماڭىندا دەمونستراتسيا ۇيىمداستىردى. وسىعان بايلانىستى پوليتسيامەن قاقتىعىستار ورىن الىپ، بارلىق كەلۋشىلەر ۋاقىتشا ەۆاكۋاتسيالاندى. «Le Parisien» گازەتىنىڭ حابارلاۋىنشا، اكىمشىلىك دۇيسەنبىگە دەيىن دۇكەندى جابۋ تۋرالى شەشىم قابىلداعان.

جەكسەنبىدە دەمونسترانتتار «سەن-لازارە» مەترو ستانتسياسىنىڭ جانىندا جينالۋدى. نارازى توپ «ءبىزدى جويۋعا تىرىسقانداردىڭ ءبارىن نارسەنى جويامىز» دەگەن جازۋى بار باننەر ۇستاپ، انتي-كاپيتاليستىك ۇرانداردى ايتتى. اكتسيا زورلىق-زومبىلىق پەن ۆانداليزم ارەكەتتەرىنسىز ءوتتى.

رەسپۋبليكانىڭ ىشكى ىستەر مينيسترلىگىنىڭ مالىمەتى بويىنشا، بۇكىل ەل بويىنشا نارازىلىق بىلدىرۋشىلەردىڭ جالپى سانى 28 مىڭ ادامعا جەتكەن. Yellow Number قاۋىمداستىعى بۇل جولى 44 مىڭ ادام جينالادى دەپ بولجاپ وتىر.

ءىىم باسشىسى بۇل ادامداردىڭ بارلىعى تارتىپسىزدىك كەزىندە پوليتسيانىڭ قولىنا تۇسكەنىن ايتتى. ۇستالعاندار قاتارىندا راديكالدى اعىم وكىلدەرى بولعانىن دا حابارلادى.

اكتسيالاردىڭ باستالۋى

«سارى جيلەت» دەمونستراتسياسى ەكىنشى كۇن قاتارىنان فرانتسيا استاناسىندا وسى قوزعالىستىڭ مەرەيتويىنا وراي وتكىزىلىپ جاتىر. سەنبىدە پاريجدەگى نارازىلىق شەرۋلەرى راديكال قاتىسۋشىلار مەن قۇقىق قورعاۋ ورگاندارىنىڭ قىزمەتكەرلەرى اراسىندا قاقتىعىستارمەن اياقتالدى. فرانتسيانىڭ ىشكى ىستەر ءمينيسترى كريستوف كاستانەردىڭ ايتۋىنشا، جەكسەنبىدە ەلدە 264 دەمونسترانت ۇستالدى. ولاردىڭ 173-ءى پاريجدە.

ءبىر جىل بۇرىن، 2018 جىلدىڭ 17 قاراشاسىندا «سارى جيلەت» توبىنىڭ العاشقى كەڭ اۋقىمدى اكتسياسى ءوتتى. سودان كەيىن بۇكىل فرانتسيا بويىنشا نارازىلىق بىلدىرۋشىلەر سانى 282 مىڭ ادامدى قۇرادى. باستاپقىدا اكتسيالار اۆتوموبيل جانارمايى باعاسىنىڭ وسۋىنە قارسى نارازىلىق رەتىندە باستالعان. ەندى قوعامدىق ناۋقانعا قاتىسۋشىلار تەك الەۋمەتتىك-ەكونوميكالىق عانا ەمەس، سونىمەن بىرگە ساياسي تالاپتاردى دا العا تارتپاق.

"The Qazaq Times"