دسم مەديتسينالىق جانە فارماتسەۆتيكالىق باقىلاۋ كوميتەتى توراعاسىنىڭ ورىنباسارى نۇرلىبەك اسىلبەكوۆ سارسەنبى كۇنى وكق-دا وتكەن بريفينگتە شەتەلدىك ۆاكتسينا ءوندىرىسىن قاراعاندى فارماتسەۆتيكالىق كەشەنىنىڭ بازاسىندا ىسكە اسىرىلاتىنىن حابارلادى.
ۇمىتكەر ءتورت بىردەي كومپانيانىڭ («حيمفارم» اق، «نوبەل»، «ەۆروحيم» جانە قاراعاندى فارماتسەۆتيكالىق كەشەنى) اراسىنان قاراعاندىلىق مەكەمە وندرىسكە مەيىلىنشە دايىن بولعاندىقتان تاڭدالىپتى.
«جوبا قولدانىلىستاعى ءوندىرىس ورنىندا جۇزەگە اسىرىلادى. سوندىقتان جەكە زاۋىت نەمەسە تسەح سالۋدىڭ قاجەتى جوق. مەملەكەت تاراپىنان قارجى قاراستىرىلمايدى»، – دەپ سەندىردى اسىلبەكوۆ.
سونداي-اق، ول ۆاكتسينا وندىرىسىنە قازاقستاندىق كومپانيامەن قاتار رەسەيلىك قاتىساتىنىن ايتادى.
«قازىر سەرىكتەس تاراپ – رەسەيلىك تىكەلەي ينۆەستيتسيالار قورىمەن كەلىسسوزدەر ءجۇرىپ جاتىر. كەلىسىم نەگىزىندە ءوندىرىستى جولعا قويۋ، مامانداردى تارتۋ ماسەلەلەرى قامتىلعان قۇجاتقا قول قويىلادى", – دەپ ناقتىلادى مينيسترلىك وكىلى.
كونتراگەنتتەر سەرۆيسىندەگى دەرەكتەرگە قاراعاندا، 150-دەن استام قىزمەتكەرى بار «قاراعاندى فارماتسەۆتيكالىق كەشەنى» جشس 15 جىلدان بەرى فارماتسەۆتيكا پرەپاراتتارىن وندىرۋمەن اينالىسادى. كومپانيا كەيىنگى ءۇش جىلدا مەملەكەتكە 888 ملن تەڭگە سالىق تولەگەن. تابىستى كومپانيانىڭ جەتەكشىسى سەرگەي بارون الماتى قالاسىندا تاعى ءبىر «مەدينۆەستگرۋپپ كازاحستان» جشس-ىنە يەلىك ەتەدى.
ەكى ەل باسشىلارى توقاەۆ پەن ءپۋتيننىڭ ورتاق كەلىسىمشارتىنا سايكەس، 22 جەلتوقسانىنان باستاپ قازاقستاندا رەسەيلىك «سپۋتنيك V» ۆاكتسيناسىن ءوندىرۋ قولعا الىنباق.
ددسۇ-نىڭ دەرەگىنشە، الەمدە كوروناۆيرۋسقا قارسى 212 ۆاكتسينا-كانديدات زەرتتەۋ جۇرىگىزىپ جاتىر. ونىڭ تەك 48-ءى كلينيكالىق سىناق ساتىسىندا. بۇعان ءبىلىم جانە عىلىم مينيسترلىگىنىڭ بيوقاۋىپسىزدىك ماسەلەلەرى جونىندەگى عزي ازىرلەپ جاتقان قازاقستاندىق QazCovid-in ەكپەسى دە ەنگەن.
جامبىل وبلىسىندا سالىنىپ جاتقان قۋاتى جىلىنا 60 ملن دوزاعا دەيىن ەكپە شىعارۋ جوسپارلانعان ءوندىرىس ورنىنىڭ بيۋدجەتى 7 ملرد تەڭگە. ءبىلىم مينيسترلىگى جاريالاعان تەندەردى «كا-ستروي لتد» جشس ۇتىپ العان. جوسپار بويىنشا زاۋىت ەندىگى جىلدىڭ العاشقى توقسانىندا جۇمىسىن باستاۋى ءتيىس.
قاراشانىڭ ورتاسىندا دەنساۋلىق ساقتاۋ ءمينيسترى الەكسەي تسوي ونلاين-بريفينگتە الەۋمەتتىك وسال توپقا جاتاتىن 3,6 ملن تۇرعىندى ۆاكتسينالاۋعا ۇكىمەت قورىنان 47 ملرد تەڭگە قاراستىرىلعانىن مالىمدەگەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى