بايدەن زەلەنسكيدى اقش-قا شاقىردى

ۋكراينا پرەزيدەنتى ۆلاديمير زەلەنسكي امەريكا قۇراما شتاتتارىنا رەسمي ساپارمەن بارۋعا دايىندالىپ جاتىر. 30 شىلدەگە جوسپارلانعان ساپار تۋرالى اق ءۇيدىڭ ءباسپاسوز قىزمەتى مالىمدەدى.

بۇل زەلەنسكيدىڭ ۋكراينا پرەزيدەنتى رەتىندە قۇراما شتاتتارعا جاساعان ەكىنشى ساپارى. بۇدان بۇرىن زەلەنسكي اقش-قا پرەزيدەنت ترامپ تۇسىندا ساپارلاي بارعان بولاتىن. كەزەكتى ساپار پرەزيدەنت بايدەننىڭ ۇسىنىس ەتۋىمەن جاسالعالى وتىر.

اق ءۇي ءباسپاسوز قىزمەتىنىڭ جازباشا مالىمدەمەسىندە ايتىلۋىنشا، 30 شىلدەدە باستالاتىن ساپار، ءۇش كۇنگە جالعاسادى. «بۇل كەزدەسۋ رەسەيدىڭ دونباسس پەن لۋگانسك جانە قىرىمعا باعىتتالعان اگرەسسياسى جالعاسىپ جاتقان تۇستا امەريكا قۇراما شتاتتارى ۋكراينانىڭ ەگەمەندىگى مەن تەرريتوريالىق تۇتاستىعىن قولدايتىنىن تاعى ءبىر رەت ايگىلەيدى»، – دەگەن اق ءۇي مالىمدەمەسىندە.

بايدەن مەن زەلەنسكي اراسىنداعى كەزدەسۋدە ەنەرگەتيكا قاۋىپسىزدىگى سالاسىنداعى ىنتىماقتاستىقتى دامىتۋدى تالقىلايدى دەپ كۇتىلۋدە. سونداي-اق، زەلەنسكي بايدەندى جەمقورلىق پەن كۇرەس جانە ورتاق دەموكراتيالىق قۇندىلىقتار نەگىزىندەگى رەفورمالارعا قولداۋ كورسەتۋگە شاقىرادى.

“The Qazaq Times ”