Boeing كومپانياسى 737 Max ۇشاعىن شىعارۋدى توقتاتتى

Boeing كومپانياسى 737 Max ۇشاعىن شىعارۋدى ۋاقىتشا توقتاتتى. بۇل تۋرالى CNN تەلەارناسى حابارلادى.

اگەنتتىك تاراتقان حابارلامادا: «Boeing جۇمىسى توقتاتىلسا دا، قىزمەتكەرلەردى قىسقارتۋ بولمايدى. ولار باسقا جوبالارعا اۋىستىرىلادى»، – دەلىنگەن.

وسىعان دەيىن اقش ازاماتتىق اۆياتسيا فەدەرالدىق باسقارماسى جۇرگىزگەن تەكسەرۋ كەزىندە Boeing 737 اۋە كەمەسىنىڭ بولشەكتەرىنەن بىرنەشە مارتە اقاۋ تابىلعان. وسى اپتادا باسقارمانىڭ رەسمي وكىلدەرى ۇشاقتاردىڭ قاۋىپسىزدىگى باستى نازاردا بولاتىنىن، باسقارما Boeing 737 MAX موديفيكاتسياسىنىڭ جوعارى ستاندارتتارعا ساي بولۋىن تەكسەرۋ پروتسەسى مۇقيات جۇرگىزىلەتىنىن حابارلادى.

بىلتىر 10 ناۋرىزدا دەبرە-زەيت قالاسى ماڭىندا «Ethiopian Airlines» كومپانياسىنا تيەسىلى «Boeing 737 Max» ۇشاعى اپاتقا ۇشىراپ، سالدارىنان 157 ادام كوز جۇمعان بولاتىن. 2018 جىلى قازاندا يندونەزيادا تاپ وسى مودەلدى لاينەر قۇلاپ، 189 جولاۋشى قازا تاپقان ەدى. اراعا ساناۋلى كۇندەر سالىپ، امەريكانىڭ دجەكسونۆيلل قالاسىنداعى وزەنگە Boeing 737 جولاۋشىلار ۇشاعى قۇلادى.

اۋە اپاتىنان كەيىن ۇلىبريتانيا مەن فرانتسيا ۇشاقتان باس تارتسا، مالايزيا، اۆستراليا، يندونەزيا، قىتاي مەن سينگاپۋر بيلىگى اۋە كەمەسىن بۇدان بىلاي ساپارعا شىعارمايتىن بولدى. سونىمەن قاتار، بىلتىر ۋفا قالاسىندا ءدال وسى Boeing 737 NG ۇشاعى كوككە كوتەرىلمەي قالعان. بورتىندا 123 جولاۋشىسى بولعان اۋە كەمەسى ەندى ۇشۋعا تالپىنعاندا، قانات تۇسىندا دابىل قاققىش ىسكە قوسىلعان.

"The Qazaq Times"