اقش بەلارۋس ۇكىمەتىن تاۋەلسىز باقىلاۋ جاعدايىندا ەركىن جانە ءادىل سايلاۋ وتكىزۋگە شاقىردى. بۇل تۋرالى اقش مەملەكەتتىك حاتشىسى مايك پومپەو جاريالاعان جازباشا مالىمدەمەدە ايتىلعان.
قۇجاتتا: «امەريكا قۇراما شتاتتارى بەلارۋس بيلىگىن وپپوزيتسيا مەن ونى قولدايتىن ازاماتتاردى قۋدالاۋىن توقتاتۋعا جانە ءادىل سايلاۋ وتكىزۋدى شاقىرادى»، – دەلىنگەن.
اقش سىرتقى ساياسي ۆەدومستۆوسى باسشىسىنىڭ مالىمدەمەسى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) بايانداماشىسى ۆولفگانگ بەنەدەكتىڭ مالىمدەمەسىمەن ۇقساس. ەقىۇ رەسمي تۇردە 9 تامىزداعى سايلاۋ قورىتىندىسىن جودى ۇسىندى.
ەقىۇ-نىڭ باياندامالارىندا بەلارۋس بيلىگى «ادام قۇقىقتارىن تاپتاپ، ءسوز بوستاندىعىن شەكتەدى» دەلىنگەن. ۇيىمنىڭ ەسەبى 17 مەملەكەتتىڭ ءوتىنىشى بويىنشا ازىرلەنگەن. قۇجاتتا 700 شاقتى دالەل، ايعاق كەلتىرىلەدى. وسىعان دەيىن مينسك قۇجاتتى ازىرلەۋگە اتسالىسۋدان باس تارتقان.
9 تامىزدا بەلارۋستە پرەزيدەنتتىك سايلاۋ ءوتىپ، ناتيجەسىندە ورتالىق سايلاۋ كوميسسياسى شيرەك عاسىر بيلىك ەتكەن الەكساندر لۋكاشەنكونىڭ جەڭىسىن جاريالادى. وپپوزيتسيا پرەزيدەنت سايلاۋىنىڭ رەسمي قورىتىندىسىن مويىنداۋدان باس تارتىپ، ەلدە ساياسي داعدارىس ۋشىعا ءتۇستى. ازاماتتىق بەلسەندىلەر سايلاۋ قورىتىندىسى بۇرمالاندى دەپ سانايدى. لۋكاشەنكونىڭ وتستاۆكاسىن تالاپ ەتكەن نارازىلىق شارالارى ەلدىڭ ءتۇرلى قالالارىندا جالعاسىپ جاتىر.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى