قىتايدىڭ شىڭجاڭداعى ساياسي قىسىمىنان قازاقستانعا قاشىپ وتكەن قاستەر مۇساحانۇلى مەن مۇراگەر ءالىمۇلىنا بوسقىن مارتەبەسى بەرىلدى.
وتكەن جۇمادا، 16 قازان كۇنى اقمولا وبلىسى پوليتسيا دەپارتامەنتى كوشى-قون جانىنان قۇرىلعان كوميسسيا قوس ازاماتقا ءبىر جىلعا بوسقىن مارتەبەسىن بەرۋ تۋرالى شەشىم قابىلدادى.
مۇساحانۇلى مەن ءالىمۇلىنىڭ ادۆوكاتى باقبەرگەنوۆ ابدۋللا بوسقىن مارتەبەسى ءبىر جىلدان كەيىن ۇزارتىلۋى ءتيىس دەيدى. ادۆوكاتتىڭ سوزىنشە، قازىر ولار ازاماتتىعى جوق تۇلعا مارتەبەسىن الۋ قاجەت. ياعني ەشقانداي ەلگە قازاقستانعا دا، قىتايعا دا قاتىسى جوق. ازاماتتىعى جوق تۇلعا مارتەبەسىن العان كەزدە، ولار 5 جىل ىشىندە شەتەلدەن كەلگەن ەتنيكالىق قازاقتار رەتىندە قازاقستان رەسپۋبليكاسىنىڭ ازاماتتىعىن بەرۋ تۋرالى ءوتىنىش بەرە الادى.
ايتا كەتەيىك، بىلتىر قازاندا قىتاي قىسىمىنان، شىڭجاڭداعى ساياسي لاگەرگە قامالۋدان قورىققاندىقتان قاشىپ كەلگەندەرىن ايتقان قاستەر مۇساحانۇلى مەن مۇراگەر ءالىمۇلى شەكارانى زاڭسىز كەسىپ ءوتىپ قازاقستاننان ساياسي باسپانا سۇراعان ەدى. 2019 جىلى قازاندا شىعىس قازاقستان وبلىسى زايسان اۋداندىق سوتى ولاردى «مەملەكەتتىك شەكارانى زاڭسىز بۇزىپ ءوتتى» دەگەن ايىپپەن 1 جىلعا باس بوستاندىعىنان ايىرعان.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟