ۇلىبريتانيا استاناسىندا كوروناۆيرۋ جۇقتىرعاندار سانىنىڭ وسۋىنە بايلانىستى كارانتين شارالارى قاتاڭداتىلدى.

بۇگىننەن باستاپ لوندوندا شەكتەۋدىڭ ەكىنشى دەڭگەيى ەنگىزىلدى. جاڭا تارتىپكە ساي ءبىر ۇيدە تۇرمايتىن ادامداردىڭ كەزدەسۋىنە تىيىم سالىنادى; كوشەدە 6 ادامنان ارتىق جينالۋعا بولمايدى.

بريتاينيا بيلىگى قوعامدىق كولىكتەردىڭ ورنىنا ۆەلوسيپەد، ەلەكتروساموكاتتى پايدالانۋعا جانە الىس ساپارعا شىقپاۋعا كەڭەس بەردى.

مالىمەتتەر بويىنشا، لىبريتانيادا كوروناۆيرۋستى جۇقتىرعاندار سانى 640 مىڭنان اسقان.

نەگىزىنەن ۇلىبريتانيا – ەكونوميكاسى دامىعان ەلدەر اراسىندا ۇلىبريتانيا كوروناۆيرۋس پاندەمياسىنىڭ اسەرىنەن قاتتى زارداپ شەككەن مەملەكەت.

ەكونوميكالىق ىنتىماقتاستىق جانە دامۋ ۇيىمىنىڭ مالىمەتى بويىنشا ەكونوميكاسى دامىعان ەلدەر اراسىندا بىرىككەن كورولدىك ءىرى داعدارىسقا تاپ بولعان. بيىل ەكىنشى توقساندا بريتانيا ءجىو 20,4%-عا تومەندەدى. ياعني ەۋروپاداعى ىقپالدى مەملەكەت تاريحتا ەڭ ۇلكەن قۇلدىراۋدى باستان وتكەرگەن.

ەىدۇ-دەگى 37 ەلدىڭ ەكونوميكاسى وتكەن ءۇش ايمەن سالىستىرعاندا 9,8%-عا قىسقارعان، بۇل بۇعان دەيىن بولماعان ەڭ تومەنگى كورسەتكىش. ۇلىبريتانيا ەكونوميكاسى كوروناۆيرۋستىڭ تارالماۋى ءۇشىن قابىلدانعان شەكتەۋ شارالارىنا بايلانىستى تومەندەگەن.