Көрнекі сурет. Фото: ашық дереккөз

Ұлыбритания астанасында коронавиру жұқтырғандар санының өсуіне байланысты карантин шаралары қатаңдатылды.

Бүгіннен бастап Лондонда шектеудің екінші деңгейі енгізілді. Жаңа тәртіпке сай бір үйде тұрмайтын адамдардың кездесуіне тыйым салынады; көшеде 6 адамнан артық жиналуға болмайды.

Бритаиния билігі қоғамдық көліктердің орнына велосипед, электросамокатты пайдалануға және алыс сапарға шықпауға кеңес берді.

Мәліметтер бойынша, лыбританияда коронавирусты жұқтырғандар саны 640 мыңнан асқан.

Негізінен Ұлыбритания – экономикасы дамыған елдер арасында Ұлыбритания коронавирус пандемиясының әсерінен қатты зардап шеккен мемлекет.

Экономикалық ынтымақтастық және даму ұйымының мәліметі бойынша экономикасы дамыған елдер арасында Біріккен Корольдік ірі дағдарысқа тап болған. Биыл екінші тоқсанда Британия ЖІӨ 20,4%-ға төмендеді. Яғни Еуропадағы ықпалды мемлекет тарихта ең үлкен құлдырауды бастан өткерген.

ЭЫДҰ-дегі 37 елдің экономикасы өткен үш аймен салыстырғанда 9,8%-ға қысқарған, бұл бұған дейін болмаған ең төменгі көрсеткіш. Ұлыбритания экономикасы коронавирустың таралмауы үшін қабылданған шектеу шараларына байланысты төмендеген.