ۇلىبريتانيا پرەمەر-ءمينيسترى بوريس دجونسون مەن ەۋروكوميسسيانىڭ باسشىسى ۋرسۋلا فون دەر ليايەن 14 قازاندا قوس تاراپ اراسىنداعى كەلىسسوزدەردى تالقىلايدى. بۇل تۋرالى Reuters اگەنتتىگى حابارلادى.
ۇلىبريتانيا بۇعان دەيىن مامىلە بويىنشا ەۋرووداقپەن ورتاق كەلىسىمگە كەلە الماعانىن مالىمدەگەن. ونىڭ ۇستىنە Brexit جوباسىنىڭ وتپەلى كەزەڭى اياقتالۋعا جاقىن. 15 قازاندا بوريس دجونسون كەلىسىمگە قول جەتكىزۋدىڭ سوڭعى كۇنىن بەلگىلەگەن. ءدال وسى كۇنى بريۋسسەلدە ەۋروپالىق وداق ءسامميتى جوسپارلانعان. پرەمەردىڭ ايتۋىنشا، بەلگىلەنگەن داتادان كەيىن كەلىسسوزدەردى جالعاستىرۋدىڭ ەش ماعىناسى جوق.
ۇلىبريتانيا 1 اقپاندا ەۋروپالىق وداق قۇرامىنان كەتتى. بريۋسسەل مەن لوندون وسى جىلدىڭ سوڭىنا دەيىن وتپەلى كەزەڭ تۋرالى ۋاعدالاستى، ونىڭ بارىسىندا بىرىككەن كورولدىككە بارلىق ەۋروپالىق نورمالار قولدانىلادى. بريتانيا تارابى وتپەلى كەزەڭدى ۇزارتۋدان باس تارتتى. قالعان ۋاقىت ىشىندە لوندون مەن بريۋسسەل ەكونوميكالىق بايلانىستار تۋرالى قۇجاتتى بەكىتۋى كەرەك. ەگەر كەلىسىم بۇل جولى دا ناتيجەسىز بولسا، تاراپتار بارلىق ساۋدا باجدارى مەن كۆوتالاردى قولدانا وتىرىپ، دسۇ ەرەجەلەرى بويىنشا ارەكەت ەتەدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى