جەەنبەكوۆ قىزمەتىنەن كەتۋگە دايىن

قىرعىزستان پرەزيدەنتى سوورونباي جەەنبەكوۆ ەلدە ساياسي جاعداي تۇراقتالسا، قىزمەتىنەن ءوز ەركىمەن كەتۋگە دايىن. بۇل تۋرالى ازاتتىك ۇنالگىسى حابارلادى.

ۇكىمەت باسشىسى بولىپ تاعايىندالعان سادىر جاپپاروۆتىڭ مالىمدەۋىنشە، پرەزيدەنت بيلىكتەن ىڭ-شىڭسىز كەتكىسى كەلەتىنىن بىلدىرگەن. حالىققا كەزەكتى ۇندەۋىندە جەەنبەكوۆ: «قازىر باستىسى – مەملەكەتتىڭ تۇتاستىعى. وسى ماقساتتا قاجەتتى شەشىمدەر قابىلداۋعا، يمپيچمەنت ماسەلەسىن تالقىلاۋعا دايىنمىن»، – دەدى.

قىرعىزستان پارلامەنتى 2 كۇن بۇرىن جەەنبەكوۆكە يمپيچمەنت جاريالاۋ ماسەلەسىن قاراۋعا كرىسكەن. پارلامەنتتە كۆورۋم بولۋى ءۇشىن 60-تان استام دەپۋتات بولۋى قاجەت.

5 قازاندا بىشكەكتە پارلامەنت سايلاۋىنىڭ ناتيجەسىمەن كەلىسپەيتىن ساياسي پارتيالاردىڭ ميتينگى ءوتتى. ولار 4 قازانداعى سايلاۋدىڭ ناتيجەسىن جارامسىز دەپ تاۋىپ، جاڭا سايلاۋ وتكىزۋدى تالاپ ەتتى. كەيىنىرەك بۇل اكتسيا دەمونسترانتتار مەن قۇقىق قورعاۋ ورگانى قىزمەتكەرلەرى اراسىنداعى قاقتىعىسقا اينالدى. رەسمي مالىمەتتەر بويىنشا، قاقتىعىستان 1000-عا جۋىق ادام جاراقاتتانعان.

سول كۇنى نارازى توپ قاماۋدا وتىرعان بىرقاتار ساياساتكەردى تۇرمەدەن بوساتىپ الدى. ولاردىڭ قاتارىندا قىرعىزستاننىڭ پاراقورلىق ايىبىمەن 11 جىلعا سوتتالعان بۇرىنعى پرەزيدەنتى المازبەك اتامباەۆ، بۇرىنعى پرەمەر-مينيستر ساپار يساكوۆ، جوعارعى كەڭەستىڭ بۇرىنعى دەپۋتاتتارى راۆشان دجەەنبەكوۆ جانە سادىر جاپاروۆ بار.

ايتا كەتەيىك، سوورونباي جەەنبەكوۆ – قىرعىزستاننىڭ بەسىنشى پرەزيدەنتى. ول 2017 جىلى قازاندا كونستيتۋتسياعا ساي مەرزىمدە پرەزيدەنت بولىپ سايلانعان. جالپى تاۋەلسىزدىك العان 30 جىل ىشىندە ەلدە ءتورت پرەزيدەنت اۋىسىپ، ونىڭ ەكەۋى شەتەلدە باس ساۋعالاۋعا ءماجبۇر بولعان.

"The Qazaq Times"