11 ساۋىردە قىرعىزستاندا جەرگىلىكتى بيلىك ورگاندارىنا سايلاۋ جانە كونستيتۋتسياعا وزگەرىستەر ەنگىزۋ بويىنشا رەفەرەندۋم وتەدى. ساياسي شارانى 31 مەملەكەتتىڭ باقىلاۋشىلارى قاداعالايدى.
قازىر ورتالىق سايلاۋ كوميتەتىندە 31 مەملەكەتتىڭ 183 حالىقارالىق باقىلاۋشىسى اككرەديتتەلگەن. باقىلاۋشىلار رەسەي، ءازىربايجان، بەلارۋس، ۇلىبريتانيا، قازاقستان، ماكەدونيا، مولدوۆا، ساۋد ارابياسى، تۇركيا، وزبەكستان، ۋكراينا، فرانتسيا، جاپونيا جانە باسقا دا ەلدەردەن كەلەدى.
«شىۇ، ۇقشۇ، تمد، حاننس زايدەل قورى، سونداي-اق ەۋرووداقتىڭ رەسپۋبليكاداعى وكىلدىگى، رەسەيدىڭ كوممەرتسيالىق ەمەس مونيتورينگتىك-ساراپتامالىق ورتالىعى جانە حالىقارالىق ىلگەرىلەتۋ ورتالىعى، ۇلتتىق باستامالاردى حالىقارالىق ىلگەرىلەتۋگە جاردەمدەسۋ قورى سياقتى بىرنەشە حالىقارالىق ۇيىمداردىڭ وكىلدەرى سايلاۋ مەن رەفەرەندۋمعا اككرەديتتەلگەن»، – دەپ تولىقتىردى وسك.
جالپى العاندا قىرعىزستاننىڭ 420 قالالىق جانە اۋىلدىق كەڭەستەرىندە 7 560 مانداتقا 18 772 كانديدات ۇمىتكەر بار. 63 كانديداتتى ساياسي پارتيالار تىركەگەن.
جەرگىلىكتى سايلاۋمەن ءبىر كۇندە وتەتىن رەفەرەندۋمدا پرەزيدەنتتىڭ وكىلەتتىگىن كۇشەيتۋدى كوزدەيتىن كونستيتۋتسياعا تۇزەتۋلەر دە تالقىلانادى. اتاپ ايتقاندا، پرەمەر-ءمينيستردىڭ مىندەتىن پرەزيدەنت اكىمشىلىگىنىڭ باسشىسىنا جۇكتەۋ ۇسىنىلادى. كونستيتۋتسيا قابىلدانعان جاعدايدا جوعارى زاڭ شىعارۋشى ورگان دەپۋتاتتارىنىڭ سانى قىسقارتىلاتىن بولادى، ولاردىڭ ءبىر بولىگى ءبىر مانداتتى وكرۋگتەردە سايلانادى.
وسى ۋاقىتقا دەيىن سايلاۋ تەك پارتيالىق تىزىمدەر بويىنشا وتكىزىلدى. كونستيتۋتسياعا وزگەرىستەر ەنگىزۋ تۋرالى شەشىم قىرعىزستاندا 2021 جىلى 10 قاڭتاردا وتكەن رەفەرەندۋم بارىسىندا قابىلدانعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟