ارمەنياداعى احۋال: پاشينيان وتستاۆكاعا، پارلامەنت كەزەكتەن تىس سايلاۋعا دايىندىق باستادى

ارمەنيا پارلامەنتى ەكىنشى وقىلىمدا سايلاۋ كودەكسىنە وزگەرىستەر ەنگىزۋ تۋرالى زاڭ جوباسىن قابىلدادى، وعان سايكەس رەسپۋبليكا رەيتينگتىك جۇيەدەن تولىعىمەن باس تارتىپ، پروپورتسيونالدى جۇيەگە كوشەدى.

زاڭ شىعارۋشى سپيكەر ارارات ميرزوياننىڭ ايتۋىنشا، ۇسىنىسقا 82 ادام قولداپ داكىس بەرگەن. ەندى قۇجات پرەزيدەنتتىڭ قول قويۋىنا جىبەرىلەدى. وسىلايشا، 20 ماۋسىمعا جوسپارلانعان كەزەكتەن تىس سايلاۋ جاڭا ەرەجەلەر بويىنشا وتەدى.

شەشىمدى بەكىتۋ ءۇشىن كەم دەگەندە 80 داۋىس قاجەت بولدى. «گۇلدەنگەن ارمەنيا» پارتياسى بۇل ۇسىنىسقا قارسىلىق ءبىلدىرىپ، وتىرىسقا بويكوت جاريالادى.

ارمەنيا پرەمەر-ءمينيسترى نيكول پاشينياننىڭ «مەنىڭ قادامىم» بلوگى سايلاۋ وتكىزگەنگە دەيىن سايلاۋ كودەكسىن وزگەرتۋ تۋرالى باستاما كوتەردى. قولدانىستاعى زاڭناماعا سايكەس دەپۋتاتتار پروپورتسيونالدى جانە رەيتينگتىك دەپ اتالاتىن ارالاس جۇيە بويىنشا سايلاناتىن. پارلامەنتتەگى پارتيالار اراسىنداعى ورىندار پارتيالار العان داۋىستار سانىنا پروپورتسيونالدى تۇردە بولىنەدى. بۇل رەتتە سايلاۋشىلار تەك پارتيالارعا عانا ەمەس، پارتيالىق تىزىمدەگى جەكەلەگەن كانديداتتارعا دا داۋىس بەرە كالادى. ناتيجەسىندە سول تىزىمدەگى باسەكەلەستەرگە قاراعاندا كوبىرەك داۋىس جيناعان ادام دەپۋتات بولادى.

ارمەنيا پارلامەنتىنىڭ قازىرگى قۇرامىنا ماندات سانى كوپ «مەنىڭ قادامىم» بلوگى، «گۇلدەنگەن ارمەنيا» جانە وپپوزيتسيالىق پارتيالاردىڭ فراكتسيالارى كىرەدى. ەكس-پرەزيدەنت سەرج سارگسياننىڭ رەسپۋبليكالىق پارتياسى وتكەن سايلاۋدا جەڭىسكە جەتە المادى.

جاقىندا ارمەنيا پرەمەر-ءمينيسترى نيكول پاشينيان ساۋىردە وتستاۆكاعا كەتەتىنىن جاريالادى. پاشينيان وپپوزيتسيالىق فراكتسيا وكىلدەرمەن كەزدەسكەن سوڭ، ەلدەگى كەزەكتەن تىس پارلامەنت سايلاۋىن 20 ماۋسىمعا بەكىتكەن. ال وعان دەيىن نيكول پاشينيان پرەمەر-ءمينيستردىڭ مىندەتىن اتقارا بەرەدى. جەرگىلىكتى زاڭ بويىنشا جازعا بەلگىلەنگەن ساياسي دودادان كەيىن پارلامەنت جاڭا ءمينيستردى سايلاۋى ءتيىس. ەگەر ەكى تۋر كەزىندە دە ۇمىتكەرلەردىڭ ەشبىرى قاجەتتى داۋىس سانىن جيناي الماسا، پارلامەنت ءوزىن ءوزى تاراتىپ جىبەرەدى.

"The Qazaq Times"