اقش مەملەكەتتىك حاتشىسى مايك پومپەو 27 قىركۇيەكتەن 2 قازانعا دەيىن ەۋروپا ەلدەرىنە ىسساپارمەن بارادى. رەسمي كەزدەسۋلەر گرەكيا، يتاليا، ۆاتيكان جانە حورۆاتيادا وتەدى. بۇل تۋرالى مەملەكەتتىك دەپارتامەنتتىڭ ءباسپاسوز قىزمەتى حابارلادى.
گرەكيادا مەملەكەتتىك حاتشى پرەمەر-مينيستر كيرياكوس ميتسوتاكيسپەن جانە سىرتقى ىستەر مينيستر نيكوس دەندياسپەن كەزدەسىپ، شىعىس جەرورتا تەڭىزىندە قاۋىپسىزدىكتى تالقىلاماق. ساپار اياسىندا عىلىم جانە تەحنولوگيالار تۋرالى كەلىسىمگە قول قويىلادى، سونداي-اق ەنەرگەتيكا سەكتورىنىڭ وكىلدەرىمەن ەنەرگەتيكانى ءارتاراپتاندىرۋدى جانە ينفراقۇرىلىمدىق جوبالاردى تالقىلايدى.
ريمدە پومپەو پرەمەر-مينيستر دجۋزەپپە كونتەمەن كوروناۆيرۋسقا قارسى كۇرەس شارالارى، جالپى قاۋىپتەر جانە ايماقتىق تۇراقتىلىقتى قامتاماسىز ەتۋ ماسەلەلەرىن تالقىلايدى. ال ۆاتيكاندا مەملەكەتتىك حاتشى 30 قىركۇيەكتە ءدىن بوستاندىعى تۋرالى سيمپوزيۋمدا مالىمدەمە جاساماق.
تۋرنەنىڭ حورۆاتياداعى بولىگى پرەمەر-مينيستر اندرەي پلەنكوۆيچپەن جانە ءسىم باسشىسى گوردان رادمانمەن كەزدەسۋلەردى قامتيدى. تاراپتار بالقانداعى قورعانىس ىنتىماقتاستىعىن، ينۆەستيتسيالار مەن ەلدەگى احۋالدى تالقىلايدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى