اقش پرەزيدەنتى دونالد ترامپقا جۋرناليستەرمەن كەزدەسۋ كەزىندە قاراشادا وتەتىن سايلاۋعا قاتىستى سۇراقتارعا جاۋاپ بەردى. ۆۆس اگەنتتىگىنىڭ حابارلاۋىنشا، پرەزيدەنتكە سايلاۋدان كەيىن بيلىكتى بەيبىت جولمەن تاپسىرۋعا كەپىلدىك بەرۋ تۋرالى ساۋالدار قويىلعان.
لاۋازىمدى باسقا كانديداتقا بەرۋ تۋرالى ساۋالعا ترامپ: «نە بولاتىنىن ۋاقىت كورسەتە جاتار. مەن بۇعان دەيىن دە پوشتامەن داۋىس بەرۋ ۇلكەن قاتەلىك ەكەنىن ايتقانمىن. ودان باس تارتىڭىزدار، سوندا ءبارى دۇرىس بولادى. ال ەندى جايباراقات كەتە سالۋ دەيسىز بە، ول وڭاي ەمەس. بيلىكتىڭ اۋىسۋى ەكىتالاي. ءوز باسىم مەملەكەت تىزگىنىن الداعى ۋاقىتتا دا ۇستايتىنىما كوبىرەك سەنەمىن»، – دەدى.
بۇعان دەيىن رەسپۋبليكالىق پارتيا وكىلى ترامپ الداعى سايلاۋدىڭ ناتيجەسىن تەك اقش جوعارعى سوتى انىقتايدى دەپ بولجاعان. اق ءۇي باسشىسى سوڭعى كەزدەرى دەموكراتتار پاندەمياعا بايلانىستى الداعى سايلاۋدا كەڭىنەن قولدانۋدى ۇسىناتىن پوشتا ارقىلى داۋىس بەرۋ ءادىسىن بىرنەشە رەت سىنعا العان.
ترامپ سونىمەن بىرگە پوشتا ارقىلى داۋىس بەرۋ كەزىندە باسقا مەملەكەتتەردىڭ قاتىسۋ قاۋپى جوعارى دەيدى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى