AQŞ-tıñ 45-şi prezidenti Donal'd Tramp. Foto: https://gazeta.ru

AQŞ prezidenti Donal'd Trampqa jurnalistermen kezdesu kezinde qaraşada ötetin saylauğa qatıstı swraqtarğa jauap berdi. VVS agenttiginiñ habarlauınşa, prezidentke saylaudan keyin bilikti beybit jolmen tapsıruğa kepildik beru turalı saualdar qoyılğan.

Lauazımdı basqa kandidatqa beru turalı saualğa Tramp: «Ne bolatının uaqıt körsete jatar. Men bwğan deyin de poştamen dauıs beru ülken qatelik ekenin aytqanmın. Odan bas tartıñızdar, sonda bäri dwrıs boladı. Al endi jaybaraqat kete salu deysiz be, ol oñay emes. Biliktiñ auısuı ekitalay. Öz basım memleket tizginin aldağı uaqıtta da wstaytınıma köbirek senemin», – dedi.

Bwğan deyin Respublikalıq partiya ökili Tramp aldağı saylaudıñ nätijesin tek AQŞ Joğarğı Sotı anıqtaydı dep boljağan. Aq üy basşısı soñğı kezderi demokrattar pandemiyağa baylanıstı aldağı saylauda keñinen qoldanudı wsınatın poşta arqılı dauıs beru ädisin birneşe ret sınğa alğan.

Tramp sonımen birge poşta arqılı dauıs beru kezinde basqa memleketterdiñ qatısu qaupi joğarı deydi.

"The Qazaq Times"