اقش-كانادا شەكاراسى جابىلدى

كانادا-امەريكا شەكاراسى قاراشاعا دەيىن جابىلدى. بۇل تۋرالى سەيسەنبىدە CTV حابارلادى.

كانادا ۇكىمەتىنىڭ جوعارى لاۋازىمدىلارىنىڭ حابارلاۋىنشا، شەكارا قاراشاعا دەيىن اشىلمايدى. ەكى ەل شەكاراسىنداعى قازىرگى شەكتەۋ شارالارى 21 قىركۇيەككە دەيىن جالعاسادى.

كانادا مەن امەريكا قۇراما شتاتتارى شەكارا وتتاۆا ۋاقىتىمەن 21 ناۋرىزدا جابىلعان. سول كەزدە كانادانىڭ پرەمەر-ءمينيسترى دجاستين تريۋدو حابارلاعانداي، بۇل شەكتەۋلەر كوروناۆيرۋستان تۋىندايتىن قاتەرلەر ازايعانشا كۇشىن جويمايدى. سوڭعى رەت وتتاۆا مەن ۋاشينگتون شەكارانى جابۋ تۋرالى شارتتى تامىزدىڭ ورتاسىندا تاعى 30 كۇنگە ۇزارتۋعا كەلىسكەن.

كانادا مەن اقش الەمدەگى ەڭ ۇزىن قۇرلىق شەكاراسىنا يە، ونىڭ ۇزىندىعى شامامەن 9 مىڭ كم. قازىرگى ۋاقىتتا امەريكا كوروناۆيرۋس دەرەگى ەڭ كوپ تىركەلگەن مەملەكەت. مۇندا جالپى سانى 6,61 ميلليون ادامنان ۆيرۋس انىقتالىپ، 196 مىڭ ادام كوز جۇمعان. ال كانادادا 140مىڭعا جۋىق ادام دەرتكە شالدىققان. قايتىس بولعاندار سانى – 9188 ادام.

"The Qazaq Times"