فوتو: REUTERS

دۇنيەجۇزىلىك دەنساۋلىق ساقتاۋ وتكەن اپتادا الەم بويىنشا كوروناۆيرۋسقا شالدىعۋشىلاردىڭ رەكوردتىق سانىن تىركەدى.

حالىقارالىق ۇيىم ۇسىنعان مالىمەت بويىنشا، ءبىر اپتا ىشىندە دەرتتەن 40 مىڭعا جۋىق ادام كوز جۇمعان. 19-25 قازان ارالىعىندا 2,8 ملن COVID-19 انىقتالعان. بۇل – پاندەميا باستالعالى ەڭ جوعارى كورسەتكىش.

COVID-19 جۇقتىرۋدىڭ جاڭا دەرەكتەرىنىڭ باسىم بولىگى ەۋروپا مەملەكەتتەرىندە تىركەلىپ جاتىر. ءبىر اپتا ىشىندە ەۋروپادا 1,3 ميلليوننان استام ادام كوروناۆيرۋسقا شالدىققان. – الدىڭعى اپتاداعى كورسەتكىشتەن 33% -عا كوپ.

كوروناۆيرۋس جۇقتىرۋدىڭ اپتالىق ءوسىمى بويىنشا العاشقى بەستىكتە فرانتسيادا (217,7 مىڭ), ۇلىبريتانيا (148,5 مىڭ), رەسەي (114,5 مىڭ), يتاليا (101,9 مىڭ) جانە بەلگيا (90,8 مىڭ) تۇر.

فرانتسيادا ءبىر كۇندە 30 مىڭنان استام ادامنان ۆيرۋس انىقتالىپ، مەملەكەت 1 جەلتوقسانعا دەيىن وقشاۋلاۋ رەجيمىنە كوشتى. گەرمانيا بيلىگى دە ءىشىنارا لوكداۋن ەنگىزىلىپ جاتىر. ەندى مۇندا ءبىر اي بويى ەل اۋماعى بويىنشا بارلىق تەاتر، كينوتەاتر، فيتنەس-ورتالىقتارى مەن ءسان سالوندارى جۇمىسىن توقتاتپاق. قوعامدىق تاماقتانۋ ورىندارى مەن قوناقۇيلەر دە جابىلاتىن بولادى. تابىسىنان قاعىلعان كەي شاعىن كومپانيالارعا ۇكىمەت قارجىلاۋ دەمەۋ كورسەتپەك. ياعني شىعىنىنىڭ ءبىر بولىگى وتەلەتىن بولادى. وتەماقىنى جۇمىسشى سانى 50-دەن اسپايتىن كاسىپورىندار الادى. بۇل شاراعا گەرمانيا بيلىگى قازىنادان 10 ملرد ەۋرو بولمەك.

"The Qazaq Times"